Isturyanaka Aka tuqita Medio Ambiente Ta Anata phaxsi, 2012
Panamá: Markachirinakax mineria arxatasax qalanakampiw thakhi jist'antapxi
Ngäbes Buglés ukan markachirinakax Panamericana, chiriqui chiqapana, jist'antatapxiwa. Kunati gobiernomp explotación minera ukat aruskipapkatayna, uk gobiernox phuqhañap mayipxäna. Internetanx Martinelli p’iqinchirir ukjamarak markachirinakan luräwinakapat uñt'ayapxi.
Perú: Umat arxatas kayump sartasiwix Lima markar jak'achxiwa
Umat arxatas kayump sartasiwixa, 1 uru anata phaxsitw Cajamarca markat qalltasin niya Lima markar jak’achasipki. Nayrür qilqatanx phisqhür sartasiwiruw jaytawaytana, Chimbote markat Casma ukat Huarmey markakama. Aka qilqatanx 9 uru anata phaxsit Lima markar puriñatak wakichäw yatiyäwinaka, videonaka ukat yaqha jamuqanak kun uñakipapxta.
