Akasti Libia Markan sartasiwinakapat yatiyawinaka, 2011n tuqit qillqaniwipawa [1].
Muammar Al Gaddafi uka dictador jaqixa, martis uruxa telivision estatal tuqiw markachirinakaru arsutayna, ukanxa kulirat kankañap uñicht’ayasitayna, ukjamarak khitinakatix mark apnaqirinakaru saykatapki ukanakar axsarayasina. Akjam sasina: Libia markaxa tukusiniwa kunjamtix Afganistán, Iraq o Somalia markanakax tukuski ukjama. Ukatxa sarakitaynawa: arumanthix thaqhir mistsupxam, mark yanqhachirinak (terrorista) tuqi, ukatxa irpkatapxam aka fuerzas de seguridad tuqinkirinakaru “jiwayañataki”, ukjamat juch uñt’ayañataki. Ukampirus sarakitaynawa: nayax Libia markatx juch jikiskakiwa “qhipha wil ch’aqaqayañkama” ukjam sasina. Ukatxa kunakasta lurawinakasa utjpan aka mark apnaqirinak tuqxa, jiwayataniwa. Juk'ampis arsuskakitaynawa, taqi khitinakatix anqax marka mayacht’atanakampi irnaqapkani, mark apnaqirinak tuqi jan wali lurapkani, yanqhachapkani ukanakax, jiwayatapxaniwa sasina. Aka arsuwixa wali jan amuyu jaqina arsupawa. Libia markachirinakampi uraq pachana twiter tuqinkirinakampi taqi akanakx arkapxatayna. Gadaffi jaqixa mä jan wali jaqxamawa sarti kunapachatixa Libia markaxa jan walina uñjaski ukjamaraki waljani markachirinaka jiwarkipana.
Gadaffi jaqixa mä yanqhachäwi kjitinakatix mark apnaqirinak tuqi arsupki ukanakarux uñicht’ayawayatayna. Ukatxa yaqha lurawinaka paskanxa Libya markanxa ukanakampit arsuwayatayna. Kunawsatixa yaqha mark apnaqirinakaxa jiwayapkataynawa taqi kjitinakatix mark apnaqirirnakaru saykatapkanxa jupanakaru. Ukatxa «mayacht’awix China Markanxa wali kjusanwa, taqi kjitinakatix plaza Tianamen tuqin jikxatasipkanxa ukanakatakixa”. Ukjamakasinxa sarakinwa, arumanthix waynanakaxa tamacht’asipxan turkakiptawi arxatañataki, jupanakpachaxaya qalltapxstaxa, sasaw arst'asiwaykakitayna.
Janira arskipanxa, yaqhipa twiter apnaqirinakaxa aruskipt’apxanwa maysaru uñtayasinakunawsatix jan ratuki arsunki ukata [2].
@acarvin [3]: Gaddafi: mark apnakaña turkakipañataki, jan yanqhachatañataki sayt'asipxama, sasina.
@acarvin [4]: Gaddafi: wayna jilatanakaruwa janchi masipanakata jithiqayasina yaqha amuyumpi p’iqiru uskuntasina apamuchutayna. Kjitinakatix ch’amanchapki jupanakaxa nuwjasaw juchapa uñicht’ayapxatayna.
@rania_hafez [5]: Gaddafi: kjitinakatix Libia marka apnaqirinakaru ukjamaraki armanaka aptirinakaru markachirinak tuqxa, jupanakaxa juchapxa mutuyatañapawa jiwayawimpi, ukjam siwa Libia markan kamachipanxa.
@draddee [6]: Gaddafi: markachirinaka tamacht’añataki ukjamata jupanakax arxatapxañapataki, aski sarnaqawinaka Libia markachirinakaxa uk mayiwayatayna
@habibh [7]: #Gaddafix jiwayawimpiw markpacharu aka telivision tuqi axsarayiwa…
@kimo79 [8]: Sum lurkipanxa #Gadaffi jaqixa aka jan wali arsuwimpixa, juk’am mark turkakipañ sartawix nayraqataru sarantañatakiw ch'amañchi, sasaw sawayapxatayna #libya markana.
@blakehounshell [9]: ¿Kuns ullaraskta?
@themoornextdoor [10]: ullarasktawa mä panka: janiw kuna qillqatasa utjkiti uka jakjuwinxa utjkarakisa, kuntix jupapacha parlki ukakiw inäski
[11]@EDSETIADI [12]:uka luqhix ch’uxña pankapa ullaraña qalltaski. Ukaxa janiw kunatakikisa. http://twitpic.com/42m3bt
@timrylands [13]: Gadaffi jaqixa jichhaxa mä jan amuyuni artista yatichirixaruw amtayitu. Kunawsatix jupax libretajaru calificacion churañapakana ukjapacharu #libia markana http://yfrog.com/h6vdwp
[14]
@acarvin [15]: Gaddafi: janiw nayarus, Libia markarus munapkituti. Mä yanqhachawiwa. Kjititixa armanaka aptkani ukaxa jiwayawimpi juchapa mutuyataniwa.
@Ssirgany [16]: turkakipasiwa nayra kjisphillupa chhujña panka ullarañataki.
@iandstone [17]: Gaddafi despotrikaskiwa. ¿Kawkhankis pä kayun achakunakaxa? ¿Pallapallanakaru pä kayun achakukaspasa ukjama saykatasina?
@tololy [18]: Jichhaxa Gaddafi: “ch'amanakasa aptañani ukjaxa, aptañaniwa kunakitixa uraq pachana kamachinakax utji ukarjama”
@Raafatology [19]: #Gaddafi siwa «Gaddafixa gloriawa» janiw kuna chillpaktsa, ukjamatwa. #Libya markana
@rania_hafez [20]: Gaddafi mayiwa markachirinakaruxa marka thakhinakaru mistsupxañapataki, ukata markaru arxatapxañapataki yanqha qullanak tuqi!! (jaqipachpa armanakamp ch'axwañapataki) #libya markana
@acarvin [21]: Gadaffi: jani apnaqañaniti pallapallanaka markachirinakatakixa, jan ukasti kunawsatix munaski ukja apnaqapxañani. Ukjam siwa uraq pach kamachinakaxa.
@avinunu [22]: Gaddafi: “Taqpacha ayllunkirinaka ukjamaraki markankirirnakaxa Muammar Gaddafiru munapki mistsupxaniwa marka thakhinakaru
@acarvin [23]: Gaddafi, ampara aytkasaxa:kjitinakatix fusilanaka apapkana, ukanakarux ch’iyar k’añaskun ventanaparuw churt'apxi.
@acarvin [24]: Gaddafi: Jumanakatawa aka Comité mayacht’awinakaxa. Libio markarux mayitawa municipionak utt’ayañapataki.
@nour_odeh [25]: #Gaddafi: uraqpachankirinkaxa larusipxiwa (thuruñchasirinakatxa) jaqinakaxa machaqa municipionaka uñstayapxañanakapa. Ukjamwa sawayi Saif jaqixa. #Libyamarkana
@ChangeInLibya [26]: yanqhachiwa kjitinakatix juparu “ yanapapki jupanakarusa”, “aka ch’uxña plazanaen”…ukatxa kunxamakantixa pätunka kjipaxa maranxa imata waraqatanakaxa yaticht’asipkaraki:)
@acarvin [27]: Gaddafi: mark apnaqañ nuwasiwix tukutaxiwa.
@acarvin [28]: Gaddafi: Libia markaxa qullañ utanakana, oficinanakana, uywa uywañanakana, ukanakankañ muni.
@nour_odeh [29]: #Gaddafi:1977 maranxa markaruwa churtan apnaqañapataki. Janiwa kuna kun lurañsa yatktanti janiw kuna ch'amaniktansa, Libia markatakwa nuwasisktan. #Libya
@Dima_Khatib [30]: Gaddafi: yaqhip waynanakaxa lurañ munapxanxa kunjamtix Tunez, Egipto markanxa lurapxana uka pachpa #libya #feb17
@avinunu [31]: Gaddafixa janiw nayax ch’amanikti mark apnaqañataki, 1977n maranwa Libia markaru churata, marka pachpa apnakasxañapataki.
@draddee [32]: Gaddafi: jiwasawa nuwastan EE.UU. markampi ukjamaraki Reino Unido tuqimpisa uraqisxana ¿kawkhankapxayatasa? #Libya
@acarvin [33]: Gaddafi: qullañ utanxa, janiw kjitis suti turkakipañxa amuykanti. ¿Jaqi jiwayanaka kawkhankapjayatasa? ¿kjitis ukjamanak luraña amuyi?
@avinunu: [34] Gaddafi sarakiwa kjitinakatix jiwarkana ukanakaxa pallapallanakawa sasina.
@TravellerW [35]: ¿dictador jaqinakaxa janiw ankaxa markanakaru juch jaquñxa qarxasipkiti? #libya #gaddafi
@JNovak_Yemen [36]: #jan amuyuni jaqixa Libia markanxa mayiwa markachirinakaru marka thakhinakaru mistsupxañapataki jiwaspacha nuwasirasiñasataki #AliSeh jupan arkirinakapampi#Yemen
@Ssirgany [37]:phusilanakampi jiwaskama nuwasiñasa mayiski, ukjamwa arkirinakaparux mayi marka thakhinakaru mistsuñanakapatakixa. #gaddafi #libya
[38]@evanchill [39]: Libia marka telivisiona tuqinxa jichhakiwa Gadaffi jaqiru arkirinakapax uñsti, uñicht’ayapxiwa jan kuns sum yatisisina.
@sate3 [40]: http://twitpic.com/42lt4u – chiqpachansa mä wali ch’amani arsuwiwa, ukanxa jan amuyuni jan ch’amani jach'ajach'a kulir arupa uñicht’ayasa. #Feb17 #Libya
@Arabista [41]: ¡¡¡luqhiratawa!!!
@artate [42]: Gadaffin qhisphillu nayrapampixa janiw kjitiruas uñjkasmati, ¿chiqpachapuni? … http://tinyurl.com/6632g87 #libya #crazytalk
@ChangeInLibya [43]: nayax janiw kuns amuykti. Yanqhachiwa jiwasana achachilanakasaru amerikanunakaru jan saykatapkatayna ukata. ¿jiwasax janiw Egipto, Túnez markaktanti? #feb17
@blakehounshell [44]: Ch’usa ch'amaniwa amerikanunak tuqi arusitapaxa ist’asi #Qaddafi
@sate3 [45]: adaffi anqaxa edificiota kuntix arski ukaxa uñxasispawa #Feb17 http://twitpic.com/42lwil
@alexlobov [46]: ¿utjaspati mayni aka t’aqhisiñata irpsurixa?
@ceoDanya [47]: #Gadafixa ma luqhi jaqiwa.
@Cyrenaican [48]: janiw axsarapksmati, janiw kunawsas arkirimapkati.
@ceoDanya [49]: amuyasipKtati kuntix arskta ukja, jan ukasti kuntix markax arski ukxa! ¡yanapa munapta! ¡¡luqhiwa!!
@lisang [50]: nayax amuytwa pachpa amuyunakwa aka diktador jaqinakaxa apnaqapxi. Anqajankiri yatiyawi apnaqirinaxa jan walinakawa, yaqha markanakana amuyunakapaxa janiw walikiti, nayax wil wartiristwa markaxatxamaxa.
@tomgara [51]: uñtanipxam amerikan jaqinaka, wasitat lurapxam aka edificio usuchjata uta, kunawsatix bombartiapkta ukjatpacha. Janit chanipaxa tukuyañataki wali qullqikani? Walispawa chiqa uñicht’ayañaxa.
@algergawi [52]: Gaddafi árabe arsuwxa qillqt’apxañapaspawa pachpa árabe arutpacha.
@Mustafa_Qadri [53]: “janiw chiqakiti, Michael Jackson jupaw lunthatitu unifurme isix ukaja”, siwa Gaddafi, jaqixa: mä wantisa apasiñaxa nayan amuyuxankiwa
@bongkersz [54]: nayax jiskt’asktwa janit Hitler jaqix kuliraskani Youtube tuqixa kunalaykutixa #Gaddafi jaqixa juk’ampi luqhiwa.
@TravellerW [55]: dictador jaqinakan arsuwinakapaxa janis kunakaspaxa, janis yatiyawinaksa wawanaka waynanakax uñxapkaspa ukjamwa amuyapxi, ukjamata jan uñisisirinispa ukata tuwaqasiñataqi. #libya
@AfriNomad [56]: ¿Akja mä arsuwjama jakt'am #2 or #3? Akax jutiti uka pä kayun lunthatanakaxa ukjamaraki jan uñjat uñjirinakaxa? #Libya #Feb17
@lioncub4justice [57]: Qhipiri pacha: #Gaddafi luqhiwa #Libya
@warrenellis [58]: Gadaffina arsutapaxa akch’arukiw tuku, “uraqpach jaqinakawa ñanqha qullan tukjataw, sas saniwayapxi. Ukampirus, nayax Batmanatwa.»
@thelieisacake [59]: #Gaddafi jiwasatikixa mä yant’aniwa,#libya