Taqpach arunak uñjaña? Global Voices qillqatanak jaqukipapta medios ciudadanos ukar tukuyañataki

Juk'amp yatiyäwinak ullart'añataki Lingua jaqukipäwi  »

México: Mä yatichiriw yatiqirinakapamp illapt’äwinak taypin jayllint’i

Waraqata imata tuqiwa uñicht’yata, mä yatichiri maman jayllit’atapa yatiqiri wawanakanapampi jan sustxasipxañapataki, kunalaykutixa illapt’awinakawa utxanaxa uka pachanxa aka Monterrey, México markana, Hispano parliri markanakanx qhananjamw uñicht’ayatanxa.

Waraqataxa imataxa pachpa yatichirina celularaparu waruqt’atanwa uñicht’ayiwa yatichañ uta manqhana kunxamatix jisk’a wawanakan pamparu winkt’atatapa. Ist’asiwa wali suma kankañampi wawanakaru jist’atapa jan saratapxañapataki ukxamata winkt’atakiñapataki pamparu, ist’askipana illapt’awinaka maysaxa k’uchuna. Jupaxa llamp’utatayiwa chuymanakapxa taqikunas walikiskaniw sasina, janiw kunas aka yatiqañ uta manqhanxa atkaniti sasina, amt’ayasina jan winkt’atata sartaphañapataki. Uksti lurataynawa jan sutxasipxañapataki, jupaxa qalltiwa jupanakamp chik jayllint’asina. Ajllt’iwa mä jaillint’awi jalluna ch’aqapa (Gota de Lluvia del show de Barney en español), ukaxa parliwa kuna jallu ch’aqas luratapa mä chocolatxama ukatxa kunxamatsa lakxa jist’arapxaspa umat’añataki. Ukjama jayllint’ayasinsti janiwa llampuraykakinti jan ukasti luranwa jan p’iqi waytapxañapataki ukatsti mayirakinwa maysaxata jaqukiptapxañapataki ukjamata alaxpacha uñtapxañapataki laka anst’ata.

yatiyawinaka amnaqirinakaxakatxapxataynawa uka yatiqañ utaxa jikxatasinwa Colonia Nueva Estanzuela tuqina, inawisa jak’arupiniwa paqalqu k’añaskunakax wali armanakampi illapt’añataki phisqha k’añasku q’iwirinakaru jiwayañataki puripxatayna, ukjamarusti yatichiri mamaxa janirawa sutipaxa yatitakiti, jichhaxa aka yatichiri mamaruxa satawa atipt’iri kamasani mamawa sasina ukjamarusti wali q’ayachatarakiwa akjama yatiqiri wawanakaru munasitapata.

Aruskipäwimp qallantama

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.