Global Voices Aymarata: Internet tuqin indígena arunakax sarantayataski

Aka post ukax Lenguas e Internet ukxatawa [en].

Mä machaq sitiox  Global Voices Lingua ukan nayirinxa, aymara aruwa. Aka arux 2 waranqa waranqa (millon) jila jaqinakan arsutawa, Los Andes uksana, jisnawa Boliviampin Perwampina, kawkhanti uka arux oficial aru ukham uñt'ataxiwa. Ukapachaparakiw Chile, Argentina markan aymarat arst'apxaraki, ukhamarakiw anqaja markan aymar arst'asirinakas arst'apxi.

Global Voices Aymarata ukan nayrïr jaqukipaw qilqatax sata qallta phaxsin 2009n maranw uñt’ayasiwayi, ukatx qhipa marakamax uñt’ayatakiskiwa. Kunapachati Victoria Tinta kullakax askichirjam qalltawayki, ukhatx (sitio) ukax jiltayawayxiw jaqukipat qilqatanakxa, Global Voices Españolat qilqatanak aymara arur jaqukipasa. Ukampirus qilqat uñakipasa ukhamarak chiqapar uñt’ayasina, Victoria kullakax apthapisin ukharak iyawst’ir jaqukipirinakar mayacht’as aruskipt’asin irpjaruski. Taqpachax 21ni iyawst’irinakaw jaqukipäwinak qilqt’atamp yanapt’apxi. Ukatx tunka payaniw chiqpach jaqukipäwinak qilqt’as sarantayaski.

Global Voices in Aymara Editor Victoria Tinta at the Brazilian Digital Culture Forum in São Paulo in October 2010.

Global Voices Aymarata ukan askichiri, Victoria Tinta kullakax Foro Brasileño de Cultura Digital, San Pablo markan taypi sata phaxsin 2010 maran chikancht’asina.

Machaq sitio ukax Jaqi Aru taman qalltatawa, Altu pata, Bolivia markan jikjatasi, ukampirus internet ukan qilqatanak utjayañ ukhamarak aymar arur jiltayaña, ch’amancht’añ uka amtaniwa. Jaqi Aru ukan jilpachan jaqukipirinakax Universidad Pública de El Alto (UPEA) jach’a yatiqañ utan Lingüística ukan yatiqirinakawa, ukatx amtapax jutirinakatak aymar aru jakayañawa. Global Voices uka tamax aymar arur uraqpachar uñt’ayañatakiw yanapt’i.

Taqpach jaqukipirinakax pä arut aymara ukatx español ukat juk’amp arut arst’asiripkpansaya, ak jaqukipaw amtax nayrïr chiqankaskiwa. Yaqhip arunakax janiw aymar arunx utjiti, aka Global Voices ukan qilqatanak utjki ukaxa. Ukar yanpt’añatakix utjiw mä amta Runasimipi machaq uñstir arunak jaqukipasaw uñtayi. Maysatax akax mä amtakiwa, kunjamas arst’ataspa sasinaw uñtayi; aka arunakax mä jaqukipirit mä jaqukipiriru mayjt’aspawa, ukax uñakipañaspawa, ukampirus mayni jaqukipirirux yanapt’aspawa sumapach qilqäwip qilqt’añataki.

Members of the Global Voices in Aymara translation team.

Global Voices Aymarata ukan jaqukipas yanapirinaka.

Global Voices Aymarata ukan ullart’irinakaxa, Global Voices Español ukanx ullart’apxarakispawa, ukampirus uka amtan amtawipax aymar arst’irinakar ch’amancht’añatakiwa, chiqpachans waynanakan nayratpach arst’at arur munapxañapa. Internet tuqin qilqatanak uñt’ayaña, Jaqi Aru amtan nayrïr chillqatäwipawa, ukatx Global Voices Aymarata ukan jaqukipir tama; akax mä uñacht’äwiw yaqha uraqpachan indígenas arunakataki.

Aka post ukax Lenguas e Internet ukxatawa [en].

Aruskipäwimp qallantama

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.