- Global Voices Aymarata - https://aym.globalvoices.org -

Medios ciudadanos ukanak apnaqas juk'a arsut arunakar sarantayañataki

Categoria-naka: Citizen Media, Lenguaje

New Tactics, Rising Voices, Indigenous Tweets ukat yaqhanakampir mayacht'asipxama*, 16n urut 22n urukama lapaka phaxsin 2011n marana [1] [en].

Organización de las Naciones Unidas Yatichawitaki, Ciencia ukhamarak Cultura (UNESCO) ukax mä Atla [2] uñt'ayi 2.500 aru jan walt'añankir apthapi. UNESCO ukakipkarakiw jichhurunx 6.000 arsut aru, chikatpachw jutir siglo qalltatakix chhaqtatajaspa:

Con la desaparición de las lenguas no escritas y no documentadas, la humanidad no sólo perdería una gran riqueza cultural, sino también conocimientos ancestrales contenidos, en particular, en las lenguas indígenas.

Jan qilqat arunaka chhaqtatampixa, janiw sarawin askinakapak chhaqkaspati. jan ukasti nayra aski amuyunakas indijinas aruanakanx chhaqtarakispawa.

Aka arunakax jank'a p'arxtaw muni. Walja markanakanx juk'a arst'irinakakiw utxi. Walja arunakaw chhaqtirjamaski. Ukhamakipansti aka markanaktx utjarakiw kipka arup yatiyañ munir jaqinakaxa. Medios ciudadanos, web 2.0, blogs, Twitter, Facebook ukat medios digitales uka tuqinak apnaqasin uñt'ayapxi, aka jaqinakax markanakan aka arunakar juk'at uñt'ayasipki.

[3]Akham amtaIndigenous Tweets and Blogs [4] [Tweets ukat Blogs Indígenas sat sutinchata; en] indijina aru apnaqirinakaruw uñt'ayasipki, maynimp maynimp uñt'asisina, ukat kuna luraws lurasipkta sasin jiskt'asisa. Ukhamakipansti medios digitales ukat web 2.0 uka apnaqaw tuqiw aka arunakar qhisphiyañataki, sarantayañataki uñt'ayasiski. P'iqinchir wayn tawaqunakaxa, (jaqinakarux pä kasta saraw apthapsna sasin sapxi) línea tuqin aka arunakar uñt'ayañataki.

Aka linea aruskipawin chikancht'asinipxam ukhamarak yaqha yatxatat amuyunaks uñt'ayanipxam yaqha amtanakax medios ciudadanos ukatx web.2.0 ukanak apnaqapxi arunakar linea tuqin ch'amanchañataki!

* subrepresentadas arunakax computacion ukhamarak machaq medios tuqin juk'a apnaqatak ukaruw uñanchayi. Akanak tuqitx walja jisk'a markanakaw juk'a arup arsurinik jikjatasipxi, ukatx jan walt'awinkapxiwa, ukampirus linea tuqiw arunakap jan chhaqahayañatak uñt'ayapxi.