Global Voices Podcast: 2012 Marax Kusisiñakïpan

Global Voices Podcast HomepageSubscribe in iTunes

Kamisak Aka Uraqpacharu, ukjamarak walik 2012 marax purinixa.
Aka qilqt'äwinx kunaymantuqit uñakipt'añatakiw 2011 marar uñtan.

Ukjamarakiw internet-pachan bicicleta-t särttan.

2011 marat amuykipkasina

Taqichaqan yatt'ayirinakatakis blogger-runakatakis ukat arst'irinakatakis 2011 marax suma maränwa. Amuyt'añax ch'amaw kunapachati masinakasamp qilqañ yanapt'irinakampix asxarayata, katuntata ukjamaw uñjasiwäpxi. Jichhakamax janirakiw mä mar ukjam utjawaykiti. Akan walja qilqirinakasampitak masinakasampitakix pachanakax ch'amakïskiwa, ukampins nayrar sarantaskañasakiwa.

Global Voices Onlina-an mä marap uñtatax wali jach'awa. Emma Brewin, nayrar irptirisax yatiyäwinakar matañat arsu, ukat marpachan jupatakix sarnaqäwinakax qhanstäwayi.

 

Mayat machaq yatt'ayirinakaru

Global Voices tamanakax qilqt'irinakat, blogger-unakat ukat may may yatiyäw qilqt'irinakat utt'atapxiwa. Yaqhipanakaxa, sañäni Thiana Bondo, mä Global Voices qilqiri, ukat mä Bahia, Brazil-at jaqukipirix yatt'ayirtuqinakat jutiriwa. Solana Larsen jilïr qilqirisax Thiana-mpiw aruskipäna, khithiti Londres-an Brazil sapür yatiyirimpita, ukat Global Voices-atak qilqirimpit mayjt'äw katuñtakiw jikjatasi.

Bolivia-n patan jakasirinakan web-par yanapkasa

Jallu qallt phaxsin Cochabamba-n Rising Voices-ax blogger-unakatakiw kimsür jikthaptäw lurt'äna. Akax kunayman Bolivia blogger-unakar ch'amanchañatakïnwa. Ukat uñañcht'äwinakas yatint irnaqäwinakas ukat kunjamas wakicht'aña, ukatuqinakat utjäna. Jikthaptäwix Castellano arunänwa, ukat Conectándonos satarakïnwa.

Maria Mercado-x mä yatiqirirak ukat yanapirirakiwa, khithiti patankir jilat kullakanakampiw irnaqi. Jupax tantachäwirux saränwa, ukat kuntï yatiqaniway ukat arxayistäna. Jumati askpach ist'añ munasmaxa, Rising Voices-an Georgia Poppellwell jilïr qilqirimpita, ukat Rising Voices Eduardo Avila-mpit, mä isch'ukiñaw taqpach jikthaptäwit utji..

Jiwasamp wisiklitamar kachxätam

Yaqhawqtataksnasa, ukat internet-ataks aruskipsn ukjam lup'isma, ukampins pachp sarnaqäwiniksnas ukjamaw amuyasi. Solana Larsen-ax jamuq apsuñapamp puchtukiwa. Wasitat jasak yaqhachaqst'añätapat Global Voices Ivan Sigel irpirimpix aruskipäna. Kunjamatï Ivan-ax qhanancht'iwa, internet-an  wisiklitat sarnaqir tamax uñjkayawa.

Ukjampiniskiw akax sañ munänwa, kunati nayax wali yatxatatanakar jiwasamp yatiñanakap aruskipt'apxañapatakiw mayiñajäna.

Jichhax America-nkir yatt'ayir Cyrus Farivar-ax «Alemania-n jakaski, ukat yaqhip chaqan internet uñstayirirakiwa.» Jupax jiwasampiw internet apnaqañtuqit aruskipäna. Dinamarca-nxa, kawkhantï uruchasi ukjan Maria Grabowski Kjaer-ax markachirin arst'äwinakap yatiyäna. Maria-takix internet apnaqañax janiw mä yaqhachaqt'añatakikkänti, jan ukax mä jakawïnwa.

Walikiwa, 2012 marpachan internet-an aka uraqpach yatiyäwinakat aruskipaskañäni, ukjamarak jan jithiqtamti, ukat kuntï ist'añ munktä ukat yatiyapxapinita. Jichhax ukanak yatisinxa, nayax taqi ukanak apnaqañ yatiqañ yant'ä.

Payllat Jayllt'äwi
Isch'ukiñanx walja suma Creative Commons jayllt'äw ist'asma. Pay Mark Cotton uñstayatanakapata, ukjamarak pay taqi lurt'äwinakata.

Global Voices Podcast HomepageSubscribe in iTunes

Aruskipäwimp qallantama

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.