Taqpach arunak uñjaña? Global Voices qillqatanak jaqukipapta medios ciudadanos ukar tukuyañataki

Juk'amp yatiyäwinak ullart'añataki Lingua jaqukipäwi  »

2011n marat Global Voices Aymarata ukan jaqukipirinakan qilqt'äwinakapa

Nayax Victoria Tintatwa, Global Voices ukanw luräwinakajat juk’a arun uñt'ayañ munapsma.

Global Voices Aymaratauka pajina web ukatakix 2009n maratpachaw castillan arut aymara arur jaqukipañ qalltawayta, nayrïrpachasti, phaxsinx mä qilqatakw jaqukipiyäta, akham qilqäwinakxata: pulitika, anatäwi, yatichäwi, uraqpachan samanxat ukat juk’ampinakata. Ukampirus kunawasti askichiri (editora) ukham p’iqt’awaykt ukhatx janiw mä qilqatak jaqukipxti, jan ukasti mä phaxsinx 5 qilqatat jan ukax jilpach ukham jaqukipt’askta.

Uka taqpcha jaqukipäwinakx kunawsati pachanikt ukhaw jaqukiptxa: mä qilqatax maya, paya yaqhip pachanx kimsa pachanw (hoaras) tukuyta, jach’a jisk’a qilqatatjama, ukham jaqukipkasas, askichkasas kunati yaqha anqäx markanakan makiptki ukanakxatas yatiraktwa. Uka jaqukipäwinak jaqukipatatx maya qilqataw nayan amuyujan qhipari, ukax akawa: Lenguas: Tuiteemos y hablemos en Quechua.

Uka qilqat jaqukipañatak ullarkayat ukhax wali muspata, kusisita ukhamaw jikxatasiyäta, akaw ayamarar jaqukipataxa: Arunaka: Tuytiyañani ukatx qhichwat arsuñani.

Algunos de los traductores de Global Voices Aymarata

Ukham jaqukipäwin yanapt’asirjamax wali kusisitätwa, ukatx nayraqatar sartañ amtampix sarantaskakiwa.

Maysatax taqpacha jaqukipirinakaruw (traductores/as) jallallt’ta ¡Nayaraqatar sarantasipkakima sasina!

Irma Silveria Laura Apaza kullakan qilqt’ata:

Global Voices Aymarata uka pajinatakix mara t’aqa phaxsin 2011n marat jaqukipañ qalltawayta, arunakxat qilqatax walpun p’arxtayawayitu, ukampirus aymara aru yäqañax wali askiwa, juk’ampins Aymara aru (Internet)-tuqi jaqukipawinakaxt yatiñ munapk ukanakar uñt’ayañataki.

Qawqha pachati jaqukipawinak lurkt ukat mä qilqat jaqukipawijatw wal amtasta, ukax akawa: Eslovaquia: Las computadoras Apple más caras Aymaranx akawa: Eslovaquia: Apple cumputaduranakax sinti jila chaniniwa.

Jaqinakarux ukax janiw yaqäwikiti, jach’a yatiñ ukan yatiqirinakax uka machaq uñstawx wal munapxi janiw chanipax jupanakatak yaqañakiti, akürunakanx uka cumputaruranakax wali askixiwa (necesario). Jilapach yatiqirinakaw netbook ukanïjapxi, yaqhip markanakanx yatichirinakax uka machaq uñstäwinakatx (tecnología) wali qhipartatapxiwa.

Martha Valencia Intimayata kullakan qilqt’ata:

Nayax Global Voices Aymarata ukanx 2010 marat jichhakamaw chikancht’asta, ukham jaqukipapkasax kunati uraqpachan makiptk ukanakxataw yatxata.

Ukham jaqukipawinakam sarantkasinsti mä qilqataw wal amtasiyitu, ukax akawa: Irán: Bloguera recibe 50 latigazos aymarar jaqukipatasti akarakiwa Irán: Bloguerax phisqa tunk jawq’aw katuqatäna.

Wal muspayitu kunjamti mä bloquerax yatiyawinak uñt’ayas 50 jawq’aw katuqki ukaxa, ukax jan walipuniwa.

Victor Paco Montevilla jilan qilqt’ata:

Nayax mayamara nayrïr phaxsinakatwa jaqukipañ qallta.

Nayraqatpachanxa, wali askiwa aymara aru (Internet)tuqin jach’anchayañaxa, chiqpachansa Global Voices Online ukana. Global Voices Aymarata ukatak jaqukipaw lurkt ukax aymara arst’asirinakatakis askirakiwa, ukhamara ayamara arutakisa, Internet ukan qilqatanak utjk ukampix jach’aptjaniwa. Japon markan humanitarios irnaqirinakax uraq khathat utjki ukhax yanap qatuqkan ukaw wal amtasiyitu akham qilqt’at p’iqinchatawa: Japón: Ayudando a los trabajadores humanitarios ukat Aymaran jaqukipatax akawa: Japunan: yanapt’irinakar yanapt’asa.

Emma Quispe Mamani kullakan qilqt’ata:

Nayax Global Voices Aymaratakix 2011n maran anata phaxsin qalltawayta, mä maraw jaqukipxta, wali askiwa, jaqukipakasax uraqpachan qilqat yatiyawinakaxtaw jaqukipasax yatita, ukas nayatakix wali askiwa, kawkïr qilqatati wal amtaskt ukax akawa: Zambia: Cibernautas inician cuenta regresiva de la promesa de cambio en 90 días , ukatx aymaran jaqukipatax akawa: Zambia: Cibernautanakax 90 urun mark turkakipañ amtawitx niyaw jakhuñ qalltapxi

Jaqukipt’asax sarantaskakiwa, kunati nayatakix ayamaran jaqukipañax askitapata.

Elias Quispe Chura jilan qilqt’ata:

Taqi kunas qalltawayiwa, kunawasati Ruben jilatax Jaqi Aru tamankañatak jawillt’kitan ukhata. Ukhamakipansti, janiw paykutis ukan chikañt’asiñajatakix lup’iwaykiti, kunalaykuti ukapachax ukham thaqhaskapuniyatwa, kunti Jach’a yatiqañ utan yatxatawaykt uka amuyunakax uñt’ayañataki, nayraqatpachanx aymara arun qilqatanak uñt’ayañampiw qalltawayta. Ukat mä juk’a pacharux Global Voices Aymarata uka apnaqañ yaticht’awayapxakirakituwa, ukax wali askinwa ukat mä juk’ ch’amjamarak ukhama.

Walja castillanu, francés ukatx ingles arut qillqatanakw aymar arur jaqukipawayta. Taqi ukanakx jaqukipawytwa (Internet)tuqi jaqinakar uñt’ayañataki, tayka arur jach’anchayañataki. Ukanakatx aka qilqataw wal amtasiyitu; “
México: Celebrando los 100 años de Cantinflas”. Uka qilqatax ajllisiwaytwa, kunati (comediante famoso) ukhamat ukata, ukatx jakäwipat juk’amp yatiñ munayata, jaqukipkasax wali askinakw yatiqawayta. Nayraqatpachanx amuyt’awaytwa, jupax janiw mä urut yaqha ururux famoso ukham tukukanti, jan ukasti mä thakhit mä thakhi llakinakamp sarañanwa.

Inas yaqha arunakat sipans aymara arun arunakap tuqix phuqhat utjkch ukax makiptawyixiwa. Maysaxt uñjaraktwa, blog tuqinx janiw Navidad, machaq mara, carnaval ukat yaqhanakamp qilqatanakax utjkiti.

Chiqpachans wali askispaw Global Voices ukan qilqirinakax kawkïr qilqatanakati jan utjk ukanakxat qilqt’apxañapaxa, ukhamasp ukax nayatakix anch askispawa, ukhamat aymarar jaqukipañatakix kawkïrs ajllt’asikiristwa.

“Aka uraqpachan aruskipt’asipxañasakipunirakispawa.”

Aruskipäwimp qallantama

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.