Taqpach arunak uñjaña? Global Voices qillqatanak jaqukipapta medios ciudadanos ukar tukuyañataki

Juk'amp yatiyäwinak ullart'añataki Lingua jaqukipäwi  »

Bolivia: “Conectándonos” sat jikthaptäwi

“Conectándonos” uka jikthaptäwix kimsa urunwa, 35n chikancht’asirimp 5 yanapt’asirimptakikinwa. Akax kawkirinakati chikanchasipkan ukanakarux may maytuqinakatw p’arxtayawayana. Ukampirus Bolivia markan suyunakaptuqinx janiw internet ukax ancha utjkiti, ukax mä jan walt’awiw markanakan aruskipañaxa. Ukatw 13n uru jallu qallta phaxsit niya arumchiqarux inaki ukhamarak taqinitak mä wakichäwiw phuqhasïna.

Ukharusti, wakicht’äwinakxatw uñt’ayarakiñäni, ukanakax uñt’ayirinakan kunarakinwa.

Uñt’ayäwi: La evolución de El Alto digital ukham sutincht’ata
Arxayt’iri: Mario Durán Chuquimia (Altu pata markata)

Nayra maranakaxa, waranqa waranqa jila markachirinakan Altu pata markanx blogerunakax juk’anikïnwa. Jichhax waynanakax internet ukarux wal mantxapxi. Kunjamas Altu pata markanx yaqhipanakax kunjams sarantasipk ukx ist’araktanwa. Ukapachparakiw mä veterano bloguerux medios de comunicación ciudadana sat uraqpachar uñt’ayañatak apnaqk ukx ist’araktanwa.

Uñt’ayäwi: Bolivia markanx kunjams conectasipxaspa
Arxayt’iri: Annelissie Arrázola ukatx Jessica Olivares (Santa Cruz markata)

Redes sociales ukanakax yatiyäwinak yatiyañatakix askiwa. Ukampirusa, chikanchasipxañapatakix wali askiwa. Akham internet ukatuqi amtäw apnaqäwinak jaqinakanax munapxi. Aka uñt’ayawinx pani p’iqinchirinakaw Santa Cruz markat uñjäwinakapxat arst’awayapxi, kunjams aka machaq uñstawinakax jan walt’aw apanispa ukanakxata.

Aruskipäwi: Sector Público ukatk nayrïr chillqtäwinaka
Uñt’ayiri: Wilfredo Jordán (Altu pata markata)
Aruskipt’irinaka: Marisol Murillo Velásquez, Vice Ministro de Defensa de Derechos del Consumidor (@consumidorbo) ukata
Juan Carlos Uribe MendietaCiudadanía Virtual, CERES ukata
Diego Andrés Gonzales Rioja – Gerente del Proceso del Estatuto Autonómico, Asamblea Departamental de Cochabamba (@asambleacbba) ukata

Agencias del gobierno ukatx instituciones públicas ukanakax internet ukan markachirinakan uñt’apxañapatak askitapatx sapa kutiw amuyt’apxi. Facebook ukatx twitter ukanakax yaqhanakamp aruskipt’añatakix wali askiwa. Aka qalltäw amuyunakax nayrïr chillqtäwiwa, ukatx kunjams juk’amp jaqinakar kawkhanti jan intirnet ukax utjk ukar purispa?

Ciberespacio ukanx tayka arunakax kunjamaskis ukxat aruskipt’äwi. Georgia Popplewell kullakan aka jamuqax apsutawa.

Aruskipäwi: Ciberespacio ukanx tayka arunakax kunjamaskisa
Uñt’ayiri: Eduardo Ávila, Global Voices,
Aruskipt’irinaka – Ruben Hilare ( Altu pata marakata), Victoria Tinta ( Altu pata markata) ukatx Ignacio Tomichá Chuvé (Santa Cruz marakata)

Bolivia markanx 30 jila tayka aruw utji, uka arunakatx jilpach arunakaw jan walt’awinki. Kunawsati maynix internet ukan thaqtki ukhax janiw jasak aka arunakan qilqatanakx jikxatapkiti. Ukapachparakiw Facebook, Twitter ukatx YouTube ukanakax arunakar ch’amanchas sarantayañanx yanapt’aspawa,uka pachparakiw jutïr wawanakarus tayka arunakar ch’amanchañ amtanipxañapatakis p’arxtayaspa.
Yaqha: Internet ukan apnaqawinakapax maynimp maynimp aruskipt’ayi
Arxaytiri: Juan Ernesto Luna Ulloa (Altu pata markata), Coordinador Nacional de la red Juventud Diversa Boliviana
uka tamankiriwa.

Bolivia markan LGBT jisk’achasiwinakatx imantasiwayiwa. Ukatwa, yaqhip LGBTukan bloguerunakax qilqañar uñjasiwapxi, ukhamakipansti yaqha markanakanx juk’at juk’atx turkakiptaskiwa, redes sociales ukanakax wali askiwa, jan kuna jan walt’awinakan arst’asiñataki.

Aruskipäwimp qallantama

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.