Costa Rica-n taqit sipan jach’a qullux Cerro Chirripó [1]-wa, ukat qutat akax 3820 luqanakankarakiwa. Walja maranakan makhatkatapxañapatakix walja pachpan jakirinakaru, ukat anqäxankirinakaruw jawskatawayi: aka qhiphïr wiriyunakax pä mayja jakäwinak apanirapistu. Mayïr uñichäwinakax 1960 mararuw kutti, ukat mä qullu patar saräwirakiwa.
Sarnaqäwin qamasapa: 1960 mar [2][es] Chirripó qullur makhatäwi, Costa Rica jach’a qullur puriñtakix waynanakamp tawaqunakampiw qalltapxi. Awtutas qaqilutas ukat carreta de bueyes ukjamanakat sartäwip arktan.
Aka uñichäwix wali askïnwa kunatti qullu patar purïwix payïr rixintatanakamp yanapt’atarakïnwa: jutïr qull makhatirinakatakix uka rixintatanakax mä yanapjamaspawa. Ukjamarakiw akax nayrir document-at warminakan qullur puriwipänwa. Akax taqichaq uñjir saririnakampin pachat yatxatat Rodrigo de la Ossa-mpin arsuwayatänwa, saräwix ch’usasïwit laruñ arsusitanak phuqhawa kawkiriti jichhax mayjt’ayatäxarakiwa.
[3]Cerro Chirripo summit image CCBySA Peter Andersen
Jichhax Chirripó-x 19.5 km sarañankiwa. Aka jutïr Tetsuo-n subtitula-t documental-ax 2010 qullu patar makhatatapat uñichayi.
Mayïri: [4]
Payïri: [5]
Kimsïrix [6]
qullu patan inti jalsut kunrak uñicht’ayi, kawkhanti Pacífico-mp Caribeño qutampit uñjasispa. Akkïrinxa, jupanakax chiminiyat jiq’i mistkir volcán-x uñjapxaraki.