- Global Voices Aymarata - https://aym.globalvoices.org -

Aka Uraqpachan Tunkïr Yatxapayat “Estilo Gangnam”

Categoria-naka: Asia Oriental, North America, China, Corea del Sur, E.U.A., Arte y Cultura, Citizen Media, Humor, Musica

YouTube-n Psy-n wali munat k’uchirtäwipamp ‘Estilo Gangnam [1]‘ uñtañampix 630 waranqan waranqap uñtirinak jikxatawayi (2012 lapak phaxsin kimsür saraqataru), ukat YouTube-n wali munatätapat [2] Guinness World record kunrak atiptäna.

Jan jakt’kay apnaqirinakaruw aka uñtañax kwint uñstayasipxañapatak yanapt’awayi. Akax tunka suma yatxapayat Estilo Gangnam uñtañaxa.

Nayraqatax Estilo Gangnam-ax pulitik taypinkiwa:

1. Ai Weiwei-n Gangnam Unxtasïwipa

Maynïr qhipha qhipha Gangnam thuqhurinakax Ai Weiwei sata China-nkir wali uñt’at luratanak uñstayiriwa. Uñtañan suma qaqa anti kamisan uñstatapat ukat thuqhkirïtapat Ai Weiwei-yax yatiyawïna. Ukampins janiw k’umisiñap apayañ armaskänti, ukat p’iqinchirip “Grass Mud Horse» ukjamarurakiw tukuyäna (akjan mä qhanancht’äw [3]uñjam).

2. U.S. Ajllïwi, Estilo – Mitt Romney

Estados Unidos-an jilïr irpirin ajllïwip jak’ankatapat aka uñtañax uñicht’ayatänwa. Uñtañan jilïr irpirïñ munir Mitt Romney-an yatxapayiripax thuqhunti, sawkasi ukjamarakiwa.

3. Estilo – Boliviano

Bolivia pulitik taypir kunarakiw Estilo Gangnam-ax puriwayi. KwonBan Ya, Bolivian-nkir YouTube apnaqirix Tata Evo Morales-arus Tata Alvaro García Lineras-arus yaqha ajllit arkirinakaparus ukat upusisyunankirinakarus ukjamaw thuqhuyasin mä uñtañ apkatäna.

+ Estilo U.N.

Janiw mä suma apaqat uñtañäkiti, ukampirus uñicht’ayañax wali askiwa. Akax Secretario General de Naciones Unidas, Ban Kimoon lantirakiwa, khithiti mä aynach Korea-nkirirakiwa. Nueva York-an UN jach’a utapan Psy-mpiw jupax Estilo Gangnam thuqhu.

Jichhax yaqhip mayja yatxapayat uñtañanak uñtma:

4. Jist’antat Estilo

Jist’antatanakan amuyasipxañapatak thuqhupxatapat Cebu Provincial Detention and Rehabilitation Center  [4]ukax uñt’atawa. Aka jist’antatanakar thuqhkir uñjama.

5. Estilo Qhisphiyirinka

Sawkasisax janis kuna kamachasirïkasp ukjamaw amuyasi, ukamapins janiw taqichaqan ukjamäkiti, askpachapinix irnaqañawjan luri. Ukat El Monte, California-n qhispiyirinakax  aka yatxapayat Gangnam Style apkatapxäna, akan phichhu isinkamaw uñstapxarakïna, tunka pusiniw alisnukut uñjasipxäna. Psy-x jupanakan irnaqañ wasitat jikxatapxañapatakiw ch'amt'äna.

Ukañkamax Psy-x apnaqirinakan machaq uñstayatanakapat qilqt'i:

6. Ohio Jach'a Yatiqañ Utan Wanta phust'irinakan Estilo Gangnam-apa

Jupax wanta phust'irinakaruw Estilo Gangnam thuqkir uñjta sasaw säna.

Qhipharux mayja thuqhunakaw utji…

7. Estilo Noam Chomsky

Uñtañan aka uraqpachan uñt'at aru thakhit yatxatat kunaw uñsti.

8. Anatirinakan Thuqhupa

Walja uñt’at anatirinakaw Psy-n k’uchirtäwipamp unuqt’awäpxi. Akan NBA-n anatir Roy Hibbert-ax irpankänwa.

 

9. Estilo Brunei

Qhipha Brunei-x Estilo Gangnam ist’aspa. Ukampins akax mä larkañ uñtañaxa.

10. Estilo Gangnam de Marina

Mä tama U.S. marinero-nakax Psy-n k’uchirtäwip jayllintapxäna, ukat phichhu isinkam ukjamaw thuqhuntapxarakïna. Jakañ qhisphiyirinakat sipan jupanakax Marina-r kunarakiw iyawsayawäpxi.

 

http://www.youtube.com/watch?feature=player_embedded&v=xhHufV9g4k4 [5]

Janit yatxapayat Estilo Gangnam uñjapktxa. Lup’ïw qilqt’äwinakan yatt’ayapxita!