Venezuela markan Indígena Jach'a Yatiqañ utan yatiqirjamax kunjamasa? Departamento de Educación ukat Comunicación uksan kimsa yatiqirix jichhakiw Rising Voices ukan yatintäwipan chikancht'asiwapxi kunjamas sumpach fotografías digitales uka apsusin Internet uksar apkatas uñt'ayapxasp uka yatiqañataki.
Aka kimsa yatiqirix Jach'a Yatiqañ utar uñt'ayañatakiwa, Satélite ukaw Jach'a Yatiqañ utan utji Infocentros ukatuqirakiw yatiqirinakar yanapt'ataski ukhamat Internet ukan kunayman jamuqanak uñt'ayasa. Estado de Bolívar uksan 2.000 hectáreas ukchar utt'ayata.
Yatiqañ utat ukhamarak anata phaxsin aka 2013 maran yatintäwix apaskan ukat juk'amp yatxatañatakix Rising Voices ukan qillqäwinakap ullart'ama.
Akaw yatiqirinakat jamuqanak apsutaxa akacuenta Flickr de la Universidad ukan apakatata. Sapa jamuqar (imagen) limt'am (clik) sumpach uñjañataki.
Mä cabaña «churuata» akanx yatiqirinakax kunayman aruskiptäwinakatakiw tantacht'asiñ yatipxi. Aka jamuqax Akaneton apst'atawa.
«Kiwxi» ukamp saminchata, Brasil markan mä p'iqinchirir jiwayata, churuata uka manqharuw k'achanchi. Aka jamuqax Akaneton apsutawa.
Aka uñanchäwinakax kunayman wakichäwinakan ukhamarak markan irnaqäwipan apnaqasi. Ukakipkarakiw kunayman jan walinakat jark'aqasiñatakis apanaqata. Aka jamuqax Wadaanan apsutawa.
Jawir thiyan manq'a wakichäwi. Aka jamuqax Akaneto-n apsutawa.
Yatiqirinakan challwa kanka wakicht'ata. Aka jamuqax Kuranichan apsutawa.
Caño Tauca chaka patxana, campuschiqwa uka jisk'a jawirax mäkipti, uka jawiranx yatiqirinakax jarisipxi ukhamarak challwanak katupxi. Aka jamuqax Kuranichan apsutawa.
Jedewanadi jupan jamuqapa Ye'kwana indijina markata. Aka jamuqax Wadaanan apsutawa.
Juk'amp jamuqanakax akanw uñjasi.
Aka qillqatax Rising Voices ukhamawa, Global Voices ukan amtapa, medios ciudadanos ukar sarantayañampiw ch'amanchi, kawkhanti markachirix akar jan atk ukanakataki · Taqpach qillqatanaka
1 Amuy qillqata
El post escrito fue my interesante y también felicitar a las tres personas que han participado a los talleres y decirles que siempre pongan en práctica todo lo que han aprendido, eso es lo más importante.