Taqpach arunak uñjaña? Global Voices qillqatanak jaqukipapta medios ciudadanos ukar tukuyañataki

Juk'amp yatiyäwinak ullart'añataki Lingua jaqukipäwi  »

Jorge Rafael Videlax dictadura militar argentino ukhamanwa jichhax jiwataxiwa

Agentina markat nayra maranak jilïr irpiri, Jorge Rafael Videla, tunka paqalqun urunak saraqkipan llamay phaxsita, pä waranq tunka kimsan marana, kimsaqalq tunka paqalqun maranikasaw karselan chhaqawixaraki.

Videlax waranq llätunk patak paqalq tunka suxta marat (1976) waranq llätunk patak kimsaqalq tunka mayan (1981) markamaw apnaqawiyanxa, pallapall ch’amamp argentina apnaqkasax wal jiwäwinak utt’ayaway ukhamarak waranq waranq chhaqaratanak markan jaytawayi.

Waranq llätunk patak kimsaqalq tunka kimsan (1983) maranx ch’amamp apnaqir ñanqha jaqix jaqinak jiwkatayaw ukhamarak t’aqhisiyaw laykuw janipin karsilat mistuñpatak tariputäna. Pä waranq tunkan maranx Videlax kimsa tunka mayan políticonak t’aqhisiyawimp illapt’awimp laykux wasitatw janipin karsilat mistuñpataki tariputäna, ukatx pä waranq tunka payan (2012) maranx ch’amamp apnaqkas asu wawanak katxasïw laykut phisqa tunka maranakampiw tariputäna.

obituario BBC Mundo qillqt'iwa: “Argentina markanx uka chachax wali k'umitanwa,30.000 jaqiw chhaqtatäna sasaw derechos humanos uksankirinakax yatiyapxäna, jichhax jupax jiwataxiwa.

Jose Alejandro Godoy-ax Desde el Tercer Piso páginatx kunanakas Videla apnaqäsax utjan ukatuqit qilqt’i.

Jiwäwitapatxa, tukuyiwa:

Hoy Videla murió en una cárcel común sin privilegios. Condenado a cadena perpetua. Será enterrado en una tumba, a diferencia de muchas de sus víctimas, arrojadas al mar desde un avión. Repudiado por la sociedad argentina. Con un juicio histórico que lo remite a las páginas más infames de América Latina.

Jichhürux karsilan Videlax jiwiw jan kuna privilegion. karsilat Janipin mistuwïmp tariputa. Cementeryunw allintatäni, mayjanw jupan walja jiwkatayat jaqinakanxa, khitinakati mä lata jamach’it lamar qutar jaqtatapxäna. Wali jisk’achat argentina markachirinakampi. Mä wali jisk’achat k’umit América Latina jach’a taripüwimpi.

Ukampirusa, blogupanw LSO mä jisk’a mantäwin qilqt’iwa, ukanx Videlat arst’i “wali suma pallapalla […] kunti chuymapax siskan lurañx uka lurawayiwa.”

Centro de tortura militar, hoy convertido en Museo de la Memoria - Ciudad de Rosario foto: Laura Schneider

Pallapall t’aqhisiw uta, jichhürux Museo de la Memoriar tukuyata – Ciudad de Rosario jamuqa: Laura Schneider

#MurioVidela yatiyaw uñjasax waranq argentino-nakax wal amuykipapxi, kunjamas @Cami-cotarelo usuariaxa:

@Cami_Cotarelo: No se festeja que #MurioVidela, pero hoy despues de casi 40 años descansan en paz mas de 30.000 personas

@Cami_Cotarelo: janiw #MurioVidela Jiwatapat k’uchiratakiti, ukampirus jichhürux pusi tunka maranakatx kimsa tunka waranq juk’amp jaqinakaw samarapxani.

Ukhamarakiw Cecilia Saia (@Cecisaia) argentinonakan amuyt’awinakapat arst’i:

@Cecisaia: Hoy hay un monstruo menos en el mundo. Si hay algo después de la muerte, que le vuelva por mil todo lo que hizo #muriovidela

@Cecisaia: Jichhürux uraqinx ñanqha jaqinakax juk’aptiwa. #muriovidela jiwäwitatx kunas utjchixa, kunanakati jupax lurkän waranqanak kutt’phana.

Adolfo Perez Esquivel (@PrensaPEsquivel), Premio Nobel de la Paz, Twitter cuentapan qilqt’i:

@PrensaPEsquivel: #MurióVidela, un hombre que ha hecho mucho daño al país y a la humanidad. No se ha cerrado un ciclo, hay [que] buscar más #verdad y #justicia.

@PrensaPEsquivel: #Videlax jiwxiwa, markar ukhamarak taqpach jaqinakar wal ñanqhachirixa. Janiw mä pachax tukuykiti, chiqamp justicia-mpix juk’ampiw thaqhaña.

Infobae juk’amp amuyüwinakamp mä Storify Twitter ukan uñacht’ayi.

Aruskipäwimp qallantama

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.