- Global Voices Aymarata - https://aym.globalvoices.org -

China: Jaingmen markan residentinakax mä planta de uranio kuntraw sartasipxi.

Categoria-naka: Asia Oriental, China, Citizen Media, Medio Ambiente, Protesta, Últimas Noticias

12 uru aka willka kuti phaxsitx Jiangmen uksan patak patak markachirinakaw Guangzhou marka jak'an kallinakapan mä planta de procesamiento de uranio [1] uka kuntra qhurut arsusis sartasipxäna.

Khitinakati qhurut arsusis sartasipkan ukanakax carteles ukanak apt'atkamakipxannwa, uka carteles ukanakanx akhan arump qillqatanwa “queremos niños no átomos” ukhama sasa. Uka sartasir jila kullakanakax wali llalkitapxtawa sasaw sapxäna kunalaykuti uka planta de prosesamiento de uranio ukati utjasp ukhax pachamamarus janiw walt'aykaspati sasinw arst'apxäna.

The New York Times [2]‘ [en] ukanw Jiangmen ukan jilïr irpirinakapamp Corporación Nacional Nuclear de China ukamp mä acuerdo phirmatax uñjasi, uka proyecto ukan chanipax suxta billones de dolares ukha chaniniw sasaw qhananchasi uka lurañax aka mara tukusiw qalltasispa ukaw suyataski. Funcionaryunakax uka planta ukax janiw kuna jan walt'äws apankaniti sasaw arst'apxäna, ukampirus resisdentes jupanakax janiw munapkapuninti. Uka sartasiw makiptatatx mä conferencia de prensa ukaw utjäna ukanx alcaldex 10 uru suyt'añani markachirinakan arst'äwinakap ist'añataki sasaw arst'awayi.

Jichha mara qalltax niyas uka  kipka sartasiwiw [3] sur de China Kumming uksa chiqan utjäna, ukan residentes jupanakax mä refinería de gas uka kuntraw sartasipxäna.

South China Morning Post [4]´[en] ukax yatiyiwa, uka sartasiwix redes sociales uksaw wakt'ayatäna: QQ and WeChat [5].

China markan mä sitio, Sina Weibo, ukanx uka sartasiwinakxat yatiyäwinakax jank'akiw censurat uñjasïna. Yaqhip Weibo ukan apnaqirinakapax uka censurat qillqatar fotografias ukanakar mantañx atipxänwa.

Aka manqhxanwa aka Sina Weibo [6] [zh] ukan juk'amp fotografias ukanakax uñjasi:

protest

jiangmen protest3

jiangmen protest

protest

protest

Los carteles dicen: Queremos niños no átomos. (de Sina Weibo [7])