Global Voices, ukax khitinakati medios ciudadanos satak ukan arst'asiñatak thaqhapk ukatpunw lup'iski, ukat jichhax Cusco, Perú [1] markan mä jikthaptaw lurañatakiw amt'awayi, uka jikthapatawin sutipax akham sutincht'tawa: Cusco markax arsuskiwa… ukatx ¿uraqpachat ist'pacha?
Uka jikthaptäwinx mä taller ukaw apasini, jichha 11 uru aka chinuqa phaxsita, ukax niya 15 ukat 17 jayp'u pacharu, Casa Cultural Sipas Wayna de la Asociación Pukllasunchis (Jr. Sicuani H-2, Urb. Progreso, Wanchaq) uksatuqina. Wakichäwinx luräwinakw ukankani jisnawa cartografía social [2] ukatx «Mä k'ata uraqpachat arsuñataki (Un minuto para hablarle el mundo)». Jumax uka jikthapatäwinx chikancht'asismaw aka Facebook [3] uksatuqi.