Calle San Sebastián, Viejo San Juan, Puerto Rico.

Sapa chinuqa phaxsin kimsïr siman tukuyaruw San Juan nayräxkatuqirux amtata, ukax capital de Puerto Rico ukjamawa, Calle San Sebastián ukan nayra saraw phunchhawinakapa, ukat navidad tukuy urunakanx walja jaqinakatakiw chimpuntata. Khithinakatix jan aka puertorriqueñan sarawipamp yatitapkch ukhax inas Calle San Sebastiananakis phunchhäwix amtatächisp ukjam amuyapchi. Qhanansa, sapa maranjamaw Phunchäwinakax juk’amp jiltas jach’aptti, calle thiyanaks mäkipiwa, ukat Viejo San Juan ukakam qala phuqhantas purxi, kunjamatix jutir jamuqatan uñjasi ukjama:

Phunchhäwinakax nayrjatpachat San Sebastian tatar amtasaw qalltäna, Narbona, Francia markan yurita, ukat III patak mara pachanx jiwayataw jan (fe cristiana) iyawsaw jaytatapat jikhxatasïna. (Católica imaginaria) ukan yatitaw walja mich’iñanakamp quqar ñach’añtat uñjasi.

Khä 1950 uka pachan San Sebastian tatar amtañ saräw phunchhawix qalltäna qhaysa Viejo San Juan uksana San José iglesia utanakamp chikt’atak uka yaqhip altus utanak askichañatakiw qullqinak apthapitäna, saräwix 1970 uka markamaw saräna, kunawsatix arqueólogo, historiador, antropólogo Ricardo Alegría yatxatirix Rafaela Balladares juparuw amuyt’ayäna, Calle San Sebastián ukhjan mä samarañ ut utjañapataki, ukjamat saräwix sarxaruñapataki. Jallukhamat phunchhawinakax yuripxi, ukats jichhürkamax amtasipkakiwa, jichha maranx 44 ª ukhaw qhanstayata.

Jichhürkamaxa, phunchhawinakax saräwipatx waljt’ataw chhaqhthi, ukjamat markan phunchhawipakaspas ukjamar tukusa, ukatx 300,000 ukat jilt’at jaqinak sapa maranx utjayi.

Ukhjarux nayan phunchhawir purit ma qawqha jamuqanak apst’at uñacht’ayanipxäma.

Calle del Cristox akawa, Calle San Sebastian ukarux walja jaqinakax kawkhachiqs makhatapxäna.

Fachada del Centro de Estudios Avanzados de Puerto Rico ukat Caribe en la Calle del Cristo, sede del Comité Organizador de las Fiestas de la Calle San Sebastián uka phunchhawinw pankanakas manq’añas artisaniyanakas ukat kunayman luratanakax jikxatañjamanxa. 

Kawisutunakax ajanur apkatasiñanakanwa, Calle San Sebastian ukan phunchhawitakiw sarawinakax mayachasiñatak apnaqata. Aka kawisutunakax Agua, Sol ukat Sereno uka qutucht’atanakamp luratawa, jupanakax Barandilla Plazanw sarantañatakiw luratanakapx uñacht’ayapxänxa.

Akanakax Centro de Estudios Avanzados de Puerto Rico y el Caribe ukjan chhuyu musq’a kaña jilt’a khuchjatanakatawa.

Warapux chujtayir umawa, kañat luratawa. Janiw jikiñjamakïti, kañat ch’umsuyatawa, ukat wali ch’amaw lurañaxa.

Colon Plazax chimpunak aphthapiñatakinwa, ukat aphthapisax político Oscar López Rivera antutatäñapatakiw mayipxäna Oscar López Rivera.