Irán: #ThanksQueiroz ukax Twitter persa uksanx walpun uñartawayi

carlosqueirozGV

Carlos Queiroz, entrenador de Irán, durante la conferencia de prensa en el Estadio Australia, en Sidney. Foto: Mostafa Azizpour

Carlos Queiroz Iran markan chhijllat pelot takintirinak irpirix Copa Asiática Australia markan ukankatapat Teherán markar kutt’anïwipanx wali suma katuqatänwa, kunatix waranq waranq ch’amanchirinakaw aeropuerton jupar wal suyapxäna. Aruskipañ llikanakax aka purïw uñacht’ayapxi. #Queiroz (#کیروش, en farsi)   #ThanksQueiroz sutinchax walpin persa Twitteran uñstawayi:

Jaqinakax aski anatäwit yatipxiwa, suma anatäwit jan wali anatäwit amuyapxiwa kunapachati jan wali tamanaka futbol ukar ñanqhachapxi.

Ukham katuqäwixa, kunjamas Mundial de futbol 2014 maran apaskän ukatatx ukhamarakiwa, kunatix jichhax Carlos Queiroz yatichirimp mink’äwix niyapiniw tukuski. Pusïr tuküw yant’asiwin atipjayasitapats Copa Asiática ukans jaqinakax “Melli” (“nacional” en farsi) tama irpirïñpatak munaskapxakiw ukhamarak suma irnaqatap amuyapxi, ukatw Irán markankaskañapaki sapxiwa:

Kunjamas Queiroz jilatax qatuqatän uñjaptati, Irán marka suma futbol anatayatataki?

#ThanksQueiroz sutinchax ukhamarakiw wal uñakipatäna kunapachati iraní iripirinakax aeropuerto ukar puripxäna:

چه حرفای خوبی زده #کیروش #ThanksQueiroz pic.twitter.com/Yj9Dqpzr2r — saeide (@SaeideSadat) January 24, 2015

kunja k’uchisiñasa!

Iraní ch’amanchirinakax wal portugués iripirirux yuspajarapxi tamapan irnaqatapata.Waranqanakaw yatichirir katuqir sarapxana, Irán markan “Queiroosh” jan ukax “Keroush” sutin uñt’ataw aeropuerto ukar purïwipa.

Aeropuerto ukan anatir chhijllat tamar katuqäwi.

 akax 90 yant’äwinakat yatiyir wakichäwin niya 88% jaqiw portugués irpirix aski irnaq amuyunipxiwa ukhamarak Carlos Queiroz jilat qhipart'añap munapxi:

Mä 88% Kunjamas sarantay futbol tamar Queiroz jiltax khusaw sapxi “janiw jaqinakar k’arintkisristi” Queiroz jupax siwa. (…)

Ukham uñjasax Queiroz jilatax wal k’uchisi ukat siwa: “jumanakax taqi kun churapxista ukat nayax janiw kuns churapxsmati”. Ukas maysar apsusas  Carlos Queirozati wiltat irnaqan iraní chhijllt’at futbol anatirinak irpañatakixa, yatichirix persa markan jakirinakan chuymapankiwa:

 Suma Queiroz, jumax juk’amp iraní walja iranínakatsa. 

Ch’amanchirinakax wal jupar munapxi, ukatsa, federación ukhamarak irpirisa sum amtanak uñakipañapxañapawa, ukampirusa, Carlos Queirozar ukankaskañapatakixa wali qulqiwa; ukatsa, “qulqix janiw jark’äkaniti”, mä yatiyäwtuqin uñstaraki, ukat sarakiwa: “qulqituqit iraní televisionan aruskiptäna, ukampirusa, janiw jark’akanit ukaxa”. 

Queiroz chhijllt’at futbol anatirinak tamax yant’awinakan atipjayasispawa, ukatsa jaqinakax aski amuyaniskapxakiwa.

Ukch’añkamax, Facebookan mä pajinaw Facebookan mä pajinaw jist’arasiwiyi, farsinana, Irán tama thaki irpas qhipaqtañp mayisa.

1 Amuy qillqata

Aruskipäwir chikancht'asima (unete a la conversación)

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.