Taqpach arunak uñjaña? Global Voices qillqatanak jaqukipapta medios ciudadanos ukar tukuyañataki

Juk'amp yatiyäwinak ullart'añataki Lingua jaqukipäwi  »

Nepal markanx wasitampiw uraq khathatix utjawayi, jiwatanak usuchjatanakax juk'ampiw jilxatawayi

Nepal markanx Himalaya sunanx magnitud 7,3 ukha ch'aman uraq khathatiw utjawayi, 50 jila jiwataw utji ukatx 1000 usuchjataw utjaraki. Sumit Shrestha jupan jamuqax apst'atawa. Derechos de autor Demotix (12/5/2015)

Yaqha magnitud 7,3 uraq khathatix jichha atúru urux utjawayxarakiwa, 60 jiwataw utji, 1000 usuchjataw utjaraki, nayrurukiw yaqha uraq khathatix utanak jan walt'ayi. Sumit Shrestha jupan apsutaw aka jamuqaxa. Derechos de autor Demotix (12/5/2015)

Nepal markax 25 uru qasawi phaxsin 7,8 ukha ch'aman uraq khathat utjawayki ukatx waljaniw chhijnuqasisipkäna, ukhamaruw aka 12 uru llamayu phaxsit wasitamp 7,3 ukha ch'aman uraq khathatix utjawayxi, jilpachax Himalaya uksaruw jan walt'ayayi.

Narendra Raule yatiyaw yatiyirix tuytiyiwa:

Walja jaqiw kallinki. Nepal markan uraq khathatiwi.

Jichhakutirinx irnaqañ urunw uka uraq khathatix utjawai. 25 uru qasawi phaxsinx kurmüru urunwa (sábado) uraq khathatix utjawayi ukatx walja jaqinakaw utan jikxatasisipkäna, ukampirus aka 12 uru llamayu phaxsinx walja nepalíes jupanakaw irnaqäwinakapan jikxatasipxäna.

25 uru qasawi phaxsit uraq khathatix utjkan ukanx 8000 jila jaqiw jiwata. Aka qhipa uraq khathat utjkï ukanx 57 jiwata ukatx 1000 jila usuchjatanakaw jakt'asi. Dolakha uksachiqanw jilpachax jan walt'ayata, 34 jiwataw utji ukatx 90% utaw jan walt'ayat jikxatasi, Nepal uksan palla pallanakapaw ukham yatiyawayi.

Kashish Das Shrestha ukat yaqha apnaqirinakampix medios sociales uksanw Katmandú markan may may sunanakat jamuq apsutanak uñt'ayapxi.

Nepal markan uraq khathatiwinaka, 25 uru qasawi phaxsina yaqhasti 12 uru llamayu phaxsin utji

Jichhürux Naya Bus Park uksanw aka jach'a utax allitatawayi; fuerzas nepalíes de seguridad uksankirinakax aka jach'a uta manqhan mä awichaw jikxatasi sasin yatisinx walpunw thaqhasipki.

Nepal markanx wasitamp yaqha uraq khathatix utxarakiwa. Wali llakay jamuqanakaw helicóptero ukat apst'at utji, ukax Everest uksar sarañ thakhiwa.

Distrito de Sindhupalchok, uksanx 25 uru qasawi phaxsitx uraq khathatin jan walt'ayataw jikxatasïna, payïr uraq khathati utjki ukampix juk'amp jan walt'ayataw jikxatasxi. Aka suna uksanx 9 jiwataw jakt'ata.

Chautara, Sindhupalchowk, Nepal uksan uraq khathati utjatapat jamuq apsat'atanaka.

Nayrïr uraq khathatix utjawaykän ukakipkaw Bhaktapur uksanx payïr uraq khathatix utjawayi.

Yaqhip jaqinakax utanakaparuw kutt'axapxäna, jupanakax walja urunakaw tiendas de campañas ukan jikxatasipxäna.

Katmandú, wasitamp aljañ utanakar sarañäni.

Wasitamp sarañäni. Jaqinakax niya kunjamatï jakasiñak ukarjamaw jakasiñ qalltapxäna, ukhamaruw wasitamp uraq khathatix utjawayxaraki, jaqinakastï wasitampiw utanakapat sarxapxaraki.

Janiw utankañ munktti!Wasitamp aljañ utar jakir sarañajawa…

Internet Onlinekhabar ukax jaqinakax kunjams uka jan waltäwin jikxatasipxi ukjamarak arumanakax kunjams jikxatasipxi taqi ukanakatw Jamuqanak uñt'ayi.

Nayrür simanax Nepal markan jilïr irpiripax mayiwayiwa khitinakatï rescate ukamp yanapt'asiwayapk jupanakan utanakapar kutt'axapxañapa, niyakixay uka markanx taqi kunas askinjamaxchixa. Ukat jichhax wasitamp chhijix utjawayatapat ukar yanapt'añas ch'amakiniwa.

Nepal ukax pantjasiwayiwa, extranjera uksat yanap katuqasin utanakar apayatapa. Yanpäwinakax ch'amakiniw jikxataña.

Yatiqañ utanakanx jichha simanaw yaticháwinakax qalltxañapäna, jichhax wasitampiw pä simanamp jjit'ayasiwayi. Ministerio de Educación uksatx yatiyiwa niya  30 uru aka llamayu phaxsitw yatichäwinakax qalltxaspa.
Nepalíes ukanakax jakäwinakap wasitamp chhijnuqañ amtapxi, ukampirus aka payïr uraq khathat uñjasax asxarañax utjakipuniwa.

Kashish Das Shrestha tuytiyrakiwa:

Cualquier sensación de calma que hubieran recobrado los nepalíes acaba quizás de derrumbarse con el largo y aterrador sismo de hoy

Aruskipäwimp qallantama

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.