Israel markankir Chef tataw k'añask manqhan mä pizza phayas uñacht'ayi, wawanakar askin uñjañataki

Medio Oriente uksanx jallupachanx k'añasku manqhanx wali junt'upuniti? ONG israelí Beterem: Safe Kids Israel ukax chef Haim Cohen jupampiw chikancht'asi, aka p'arxtayir yatiy utt'ayañataki. 2008 marat jichhakamax Israel markanxtunka suxtan wawanakaw k'añasku manqhan jist'antatax jiwapxatayna, yaqha markanakans ukakipkarakiw uñjasi.

Periódico Times of Israel ukan yatxatäwiparjamax 2008 ukat 2015 maranx 349 wawaw k'añaskur jaytat uñjasitayna. Yatiyapxiwa:

(84%) wawaw k'añasku manqhanx jiwapxäna, mä phaxsin pusi phaxsin wawanakanwa. Uka k'añaskunakax privados ukhamawa, yaqhip pachax autobuses escolares, autobuses públicos ukat trenes ligeros de Jerusalén ukanakarus armasipxarakirinwa.

27 uru llamayu phaxsit 2015 marat Chef Cohen jupan Facebookapan vídeo  uñt'ayata, uka uñt'ayatx  145,000 jaqiw uñjt'apxi, 3,000 jaqirakiw “Me gusta” sasin sapxi,  4,000 kutirakiw vídeo  wasitamp uñt'ayxpi, 200 comentarios ukharakiw utji. Uñt'ayawix akham qillqt'atawa:

Sapürupuni!

Junt'uptäwix wali junt'upuniwa, yaqhip pachac 46º C ukharuw purirakiri.

“K'añasku manqhan  Chef Haim Cohen jupamp phayasa” sasin p'iqincht'atawa, qallta vedeo waraqatanx Chef Cohen jupaw ist'irinakar katuqt'i.

“Kunjamas… k'añasku manqhan phayañax ukwa yatichapxama”, siwa.

“K'añasku manqhanx ukhamawa! Jasaki ukatx wali qhathirapuniwa”.

Cohen jupax mä pizza wakicht'añ qalltaski, cocción ukaruw masa ukx uchi, ukakipkarakiw salsa ukatx ingredientes: tunqu, aceitunanaka, champiñón ukat queso ukanak uchi.

K'añaskurux pizza uchi, ukatx uñjirinakarux akham siwa: “Kimsa tunka k'ataw ukankañapa. Ukat uñjañäni”.

Kimsa tunka k'atanakatx k'añask jist'ari, pizzax nakhantataxataynawa.

Vedeo ukanx utjiwa:

Munat masinaka: jallupachanxa, k'añasku manqhanx horno kikakiw junt'uptäwixa. Mä wawarux k'añasku manqhanx jan sapak jaytapxamti, ni mä k'atakisa! jallupachan k'añasku manqhar wawanak saspak jaytatatx chijinakax waljaw utji. Ukhamarak aka vedeo ukx yaqhanakar uñt'ayapxama.

Akaw mä k'atan waraqat vedeo ukaxa, hebreo arunkiw ukampirus inglés arun subtitulatawa:

Gracias a: Times of Israel.