Jan jark’an Laruyirinakan Maran mä jach’a tantachäwipa. Flickr Flickr de Imagen en Acción-tuqit waraqat jamuqa, Creative Commons iyaw säwimpi.

Argentina marka, Buenos Aires qamäw Senado-x mä kamach jichhakiw apsuwiyapxi, kawkinti qullañ utanakax laruyirinak apnaqapxan wawanak ukhamarak wila masinakpas jan walir purt’asïwinakap anatäwinakamp lart’asïwinakamp atipjañpataki.

La risa sana. Ahora es obligatoria en hospitales de Buenos Aires, Argentina> http://t.co/SF5A5iTm4j
@petrogustavo

— Joy (@Joy_rma) June 24, 2015

Lart’asïwix qulliwa. Argentina, Buenos Aires markan qullañ utanakan jichhax uthañpapiniwa.

“Sapa wawanak qullir utanakax mä suma yatintat laruyirinakanïpxañpawa”, diputado Darío Golía jilatax sasaw saraki, khititix EE.UU. Hunter “Patch” Adams qullirin irnaqäwimpiw p’arxtayasi, khitintix laruyqulläwipax cine-rurakiw 1998 maran uchatäna, Robin Williams Kunaymanir tukurin sarantayata, Télam yatiyir tamax ukhamarak yatiyi.

Kamachix sarakiwa “qullañ utan larurt’ayirix suma yatintat clown ukatuqit jaqiwa, aka jaqix suma amuyaniñp ukhamarak yatiñpaw irnqäwip suyun markanakan taqpachanitak qullañ utanakan irnaqañataki”.

MAGNIFICO! Por ley, los hospitales públicos tendrán «payasos hospitalarios» pic.twitter.com/XeUTvVgoyP

— Claudina (@claudiberenguer) May 16, 2015

KUST'ATA! kamachirjamax qullayasiñ utanakax payasos lart'ayirinakaniniwa.

La salud, también se cura, desde el corazón. http://t.co/ygvLKwOuK3
— Pamela Luján (@PameValiente_) May 15, 2015

Q’umaräñaxa, chuymat qullasirakiwa.

Janir kamach utjkipanx qalltäwinakax utjxapininwa, larurt’ayäwinakampix usutanakar ukhamarak wila masinakapar jan wali purt’asïwinakar atipjañataki, kunjamas aka La Plata markan “Sor María Ludovica” wawanak qullañ utaxa, Buenos Aires markan yaqhanakas utjarakiwa.

Larüwix kunti lurki qullirix juk’amp sumaptayiwa, ukat akax yatintirankan sum uñacht’ayatawa, kunapachati lixwin (impulsos eléctricos negativos) uk antut mä k’athat larüwitata, kunapachati lartanxa lixwix jupap pachpaw yatiypikas encefalina-nak sarantayañataki, akanakax morfina ukjamarakiwa, t’ajïwinak t’akuyi, sasarakiw Golía jupax kamach chhijnuqaykasax qhanancharaki Golía.

Legislador-ax laruyqulläwit arst’araki ukhamarak “qullan uta jaqïwjaptayäwita” kawkiriti usutanakax “uñjatapxpan mayakjamaki, jan jaljañanakampi, akax q’umaraw khayax usutaw chimpunakampi”.

Ukampirus janiw taqpachanix aka kamachimp sarantapkiti ukat akham Twitter-tuqin arst’apxaraki:

aja! no hay medicos, no hay gasas, no hay medicamentos pero va a haber payasos en los hospitales!!!! http://t.co/3suLgre51I

Aja! Janiw qullirinakax utjkapxiti, janiw gasa-nakas utjkarakiti, janiw qullañ yänakas utjkarakiti ukampirus larurtiyirinakas qullañ utanakan utjarakini!!!!

— Pablo (@AlberdianoArg) Odio los payasos y odio los hospitales, que bueno que los juntaron en una ley #Not
— n.a.t. (@natmotorizada) May 17, 2015

Larurtiyirinakar uñistwa ukhamarak qullañ utanakar uñistwa, wali askiw mä #Not kamachir mayachthapïwipaxa.