Renata Flores Rivera, 14 maran Pirwa markankirix redes sociales uksanw «covers» ukamp qhichwa arun uñt'ayi. «The way you make me feel» ukham sutincht'atawa, Michael Jackson jiwatapata, uka videox Ayacucho ruinas Vilcashuamán uksan waruqatataynawa, YouTube uksanx niya waranqa waranqaniw uñjapxi.

América uksanx qhichwa arst'irinakax paqallq millones ukjaw utji, Perú markanx 19 por ciento ukhaw qhichwa aru arst'asipxi.

Patricia Rivera, mamapax Asociación Cultural Surca ukan irnaqi, ukax  ayacuchanos q'axull wayn tawaqunakatk wakichäwiwa, drogas ukar jan sarañataki ukat arur ch'amanchañ amatäwiniwa, «wayn tawaqunakax qhichwa aru arst'apxaraktanawa» Renata kullakax qallantawayiwa.

Asociación ukax 11 maraw utt'ataxi, wayn tawaqunakan wawanakan arte uksatuq ch'amanchañataki. Ukampirus qhichwa aru ch'amanchañ amtäwimpiw irpxarutaski, diario El Comercio ukan amtaparjma.

Ana Saroly jupax Qhichwa arux jakaskaspaw sutin qillqt'apanw qillqt'i, 600 mara nayrax qhichwa arux mayachthapir ukhamanwa, jichhurunx janiw ukakipkakiti.

Juk'amp amuyunakax  Facebook ukan qillqatawa, uka tawaqun jayllintäwinakapax  Ricky Anthony Ascoy Velarde jupax siwa: «Taqinis jan jik'achas tayka arur ch'amancht'apxañäni, PERU markax jach'ankaskiwa».
Twitter uksanx qhichwa arunw Renata kullakax jaylliw uñt'ayi:

Renata Flores kullakax «The House of the rising sun» de The Animals sutincht'atw qhichwa arun jayllint'i. https://t.co/RDndj2jj9m

— JorgeFloresGallegos (@jorge0911) August 11, 2015

Jutiritakix Fallin’, Alicia Keys jupankir jayllint'añ wakt'ayaski.