Captura de pantalla de uno de los video de Christopher Juárez Reyes, el joven mexicano que documenta su proceso de reasignación de sexo.

Kamasiki, Christopheratwa… transexual ukhamatwa. Aka witiyux sarnaqäwix chachaptäw sarnaqäwixat jumanakar uñacht’ayañatakiwa, ukanx kunjamas nän patxa janchijax k’achat k’achat mayjaptaskan ukxat uñjt’añataki […]

Aka arunakampiw mä Xalapa, Veracruz markat Christopher Juárez Reyes waynaxa, mayïr witiyupamp YouTube ukan qalllti, ukax mä tukumintasiyunarakiwa khä kunjamas chachaptani ukxata, juk’ampirus ukxat sikt’awinkar jaysarakini ukhamarak tirichus de la población lésbico, gay, bisexual, transexual, travesti, transgénero ukat intersexual (derechos LGBTTTI) ukxat yatiyäwinak yatiyarakini.

Mä waynxata:

Christopherax wiyulujikamintix warmjamaw yuritäna jan ukhamakipanx itintitatapayrix chachanwa, ukax disforia de género ukaniw sañw muni, Ukat jupax lup’itayn intervenciones médicas ukhamarak quirúrgicas ukar mantañataki kunalaykutix itintitat sexual ukhamarak género ukamp mayark jaqthapiñataki.

Aka sarnaqäwinakapxat tukumintasiyunax anata paxsina 2014 maranaw qalltäna, jichhakamax 85 witiyuw kanalapan kanalapan utjxi, ñä 9.000 ukjaw ukar qillqantayasxapsi ukhamarak 626 waranqats jilaw uka wituyunakax jaqinakan uñjt’ataraki.

Witiyunakaptaypinx kunayman walxakut hormonas ukanakamp jununt’ayasiski, mastectomía upirasiyunanakxat walirasiskiri, salut ukhamarak qullirir wisitanakxat iwxt’awayanaka, kunjams chachar warmir tukutapatx tramitis ukan lurasp ukanak wila masinakapar jupan transexualidad ukapxatx saraki, juk’ampirus comunidad LGBTTTI ukanakatakis khä contenidos de reformas relevantes ukxat yaticht’araki yatiykipt’araki, ukhamarak tips ukhamarak iwxt’awinak uñjt’araksnaxa.

Christopherax kanalapan transexualidad ukxatkamakitapatx rikunusiwa, “jan Transexualidad ukxat imt'amti!” witiyupan saraki, achikt’apxarakstuwa khä orientación sexual ukhamarak la identidad de género ukax mä jaqin walxa phasitapjam amthapt’apjañataki, ukax janiw jiwasar chiqsas kunjamatas tifinkstuti sasa:

Jisa, Christopheratwa, You Tube ukan transexualidad ukxat witiyunak luriritwa, janiw mä transexual waynakikti […] juk’ampinakatwa juman juk’ampinakatam yatiraktawa.

Christopher jupan suma jaqitapa ukhamarak jan k’aritapata, uk uñjasax walxa jaqinakaw jupar chuymacht’irix uñsutayna, juparux yusparapxi ukhamarak ukham qamasanitapatx jallallapxarakiwa.

Jan ukhamakipanxa, Christopher jupan amtawipax uñt’ayasiñats juk’amp jayaruw sari. Ukham amuyañjamawa, witiyupanx jan transexuales pirsunajinak literatura ukan utjatapat kijasi:

[…] jan armapxistati, jumanakakis jaqipkasm ukham jan axamukipxistati, nanakax jaqipxaraktwa, tirichunipxtwa ukhamarak jumanakjam pixtunakanipxaraktwa (jajaja) […]

Jumatix uñjasinkchist qillqirista, inas jamuqirista ukay arsusiritacha, jumanakarux achikt’apsnaw qillqt’añataki, kunayman lurt’añataki, akxanakat arjayt’añataki, kunats akxat jaqinakar phuqsuytana, jilpachax janiw chiqsas sutichawimp sutichapkituti, ukax janiw walt’ayapkituti. Ukhamakipanx ampsuma yanapt’añatak lurt’añani, nayax aka witiyunakamx yanapt’askirjamatwa, jaqinakan akanakxat mawk’akas yatiñapataki ukhamarak jumanakatx pachp suyt’asipkaraksna.
Walxa jaqiruw walxa turkakipawxanakapat witiyunak apkatanir uñjt ukax wal k’uchisiyitu; ukpuniw nayax munatäna. Ukrakiw nayax aka witiyunakamp nayrar sartayañ munta: ukhamat jaqix yatiñapataki kunats nayax akham situwasiyunar purkatäna ukjax jan jiktt [yatiyäwi], ukay juk’ak inglés ukan jiktta ukasa ukhamakipanx utjañapapunispawa ispañulana.

Chikancht'ayiwa:

Taqpachanix mä wawakitanwa, taqpachaniw jaqiptana Ukat akham sarnaqäwijxat yatiyasax khitirs yanapt’apunchixaya.

Ukham thakhimpixa, Christopher waynan amtäwipax mä pruyiktu pirsunal ukats juk’am jayaruw uñti. Ukx sapa witiyunw uñacht’ayi.