Australiano anataw yatiqañataki, Kaurna arun uywanakan ukat juk'ampinakan sutinakapa

Kaurna Warra Pintyanthi ukat Karina Lester Mobile Language Team jupanakan mä qillqatapax mä yanapakaspas ukhamaw  First Languages Australia uksan uñt'ayasi, p'iqinchäwipax Warra: Building teams, building resources sutinchatawa.

Kaurna Warra Pintyanthi (KWP) ukax mä tamawa  kaurna aylluta yatichirinakana, lingüistanakana ukat yatiqirinakax kaurna arun videoclases ukan yatichapxi, Llanuras Adelaida uksata  Australia markanx aynachawjan jikxatasi- jupanakan amtapax tayka arup jach'anchayañawa.

kaurna «Yatichäwix» jichhakamax kimsaqallqu t'aqaniwa. Jack Kanya Buckskin ukat Taylor Tipu Power-Smith, jupanakaw aka amtanx uñstapxi.

Vídeoclases, ukanx Buckskin jupax kaurna arunw  aruntasiñxat qhananchtt'i. Ukakipkarakiw anatawxat, golf, ciclismo ukanakxat arunak uñt'ayi, ukatx fútbol australiano jan ukax «Tidna partnu»- ukanakax jach'a markanx wali uñt'atawa. Aka vídeo-nx, Buckskin ukat masinakapampix anatawxat arunak uñt'ayapxi, takiña,jaqtaña, k'umt'aña.

 Kaurna for Kids wakichäwix   Power-Smith jupan uñt'ayatawa, uka machaq uñstawimp jan ukax video ukamp jisk'anakar yatichañataki. Mä wali uñjat video-nx Adelaida markan uywanakan sutinakapaw kaurna arun uñjasi.

Marionetas uywanakax ukakipkarakiw uñsti, markan arup arunak yatichañataki ukhamarak jaylliw jayllintañataki. Aka wakichäwix «Pirltawardl» jan ukax » The Possum's House» sutinchatawa, Kuula -Koala ukat Pirlta- Pósum ukjam sutin jaqinaka.

Qalltatpachawa, KWP ukax Intenet ukan arur ch'amanchañ amtäna, video ukax mä nayrïr thakhikaspas ukjam amtasïna, jupanx q'aphanaka ukat video apnaqañanx yatiñaninaka ukjamaw utjäna.

Aka juk'a yatiñatx aru tamankirinakas recursos lingüísticos vídeo ukstan uñakipt'awayapxiwa, (qillqat utjirinaka, laruyir qillqatanaka, yatiqaw wakichäwinaka, ukat juk'ampinaka). Walja Vídeoclases ukax mä aski apnaqaw yäwa markatakixa.

Amtax Departamento de Lingüística de la Escuela de Humanidades de la Universidad de Adelaida uksat ch'amancht'atawa ukatx Australiano jilïr irpirits Programa de Artes ukat Lenguas Indígenas uksatx ch'amancht'atarakiwa.

Sitï internet uksan utjirinakax utjan ukat jan jark'atakan ukhamarak KWP ukar mantañax jasakin ukhax aru apnaqapxaniwa. Yaqhax sitio web de KWP ukankiwa:

Kaurna language and culture is the property of the Kaurna community. Users of this site are urged to use the language with respect. This means making every effort to get the pronunciation, spelling and grammar right. Kaurna people reserve the right to monitor the use of the language in public. Users of this site should consult with Kaurna people about use of the language in the public domain.

Kaurna aru ukat saräwix kaurna ayllunkiwa.  Aka sitio apnaqirinakarux aru yäqawimp apnaqapan sasin achikt'atawa. Akax sañ muni arsuwi ortografía ukat gramática ukanakax juk'an suma qhana uñt'ayasiñapa. Kaurna ayllux taqin aru arsuwir uñjañatakiw imasi. Aka sityur mantir jila kullakanakax kaurna aylluruw aru arsuwxata jiskt'asipxañapa ukhamarak (dominio público) ukxat jiskt'asiñataki.

Aka videor matañax waynanakar p'arxtayañatakiwa ukampins jaysawix wali askiwa. Karina Lester  Mobile Language Team   Australia aymach markatx arst'aniwa:

These YouTube clips are a great example of using technology to meet their audience—Kaurna youth in Adelaide. Having young Jack and Taylor presenting these language sessions is inspiring to other young Kaurna kids to take on learning their language.

Aka You Tube vídeo-nakanx  tecnología apnaqäwix mä uñachäwiwa Adelaida uksan kaurna aru amuyañataki. Jack ukat Taylor waynanakax uñt'ayirinakapxiwa ukhamat yaqha kaurna wawanakax arup yatiqapxañapataki.

1 Amuy qillqata

Aruskipäwir chikancht'asima (unete a la conversación)

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.