Indonesia markanx mä dron ukan witiyupanx aceite de palma yapuchañ uraqinakar jan iyawsawimp phichkatawinakw qhanañchsu

Screenshot of a palm oil field that was cleared by burning in Indonesia. Image is from a drone video uploaded on YouTube.

Captura de pantalla de una plantación de palmas aceiteras que fue desbrozada por una quema en Indonesia. La imagen procede del vídeo de un dron subido a YouTube.

Mä dron ukan witiyupax palmeras aceiteras yapunakar phichkataw ukhamarak región occidental de Indonesia uraqinakar llanqhachawinakw waruqt’atayna. Ukhamakipanx uka phichkatawin jiq’ipay Singapur, Malasia ukhamarak Indonesia markanakar sapa maranak ch’urawrantaychisp ukhamw amuyapxaraki.

Uka dron pachatuq jaqsutax “Indonesia markan ch’uminakapar mä uñjt’awi” (“Eyes on the Forest Indonesia” o EOF) sat yatxatawinkataynawa, ukax kimsa tam pachamamat arxatirinakaw (medioambientales) 2004 maran tantacht’asipxatayna, kunalaykutix pachamamar naqhantayawinakat yatxatañataki.

EOF (“Indonesia markan ch’uminakapar mä uñjt’awi”) ukan witiyuparjamax, empresa de plantación Andika Permata Sawit Lestari (APSL) ukankataparjamax 3000 iktariyanakaw “amanut phichkat” uñjasi.

Uka witiyux uka imprisar juchanchañatak aptatäspawa, kunjamakitix aliq uraqinak kantuntatapata ukhamarak jan iyawsawimp phichkatatapata.

Jichha qhipa paxsinakanx gobierno indonesio jupax Riau, la “zona cero” del desastre del humo, uksan pachamamar phichkatawinak sayt’xañapatakix walpin sartaski. Amtapax imprisanakar pachamamar phichkatatanakapat junchañchsuwiwa. Ukhamarux Malasia ukhamarak Singapur markanakarx aceite de palma impresanakap Indonesia markanakan utjki ukanakar yatxatañanakapatak achikt’araki.

Jichha paxs qalltanx paqallqu ministerio de medio ambiente del gobierno pachamamar nakhantayawinakxat yatxatirinakaw walxa jaqinakan katuntat yatisïna. Katuntatanakax jach’unak puritapatw antutmukutapxatayna, juk’ampirus jamuqanak witiyunak ukatuqin pachamamar llanqhachaskir apsutanakx phursupxataynawa.

EOF ukax dron ukan witiyupax qhananchsuw kunti irnaqirinakax yatxatapkatayn ukanakxatx siwa.

Indonesia markax pachamamar phichkatawxat yatxataskipansti, jiq’ix pach markar yaqha markanakarx t’aqhisiyaskiwa.
Dron ukan wituyupan pachamamar nakhantayat qhanañchst’ayir uñjt’am:

Aruskipäwimp qallantama

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.