[1]Oscar López Rivera. Aka jamuqax yatiyawtaypinakan uñacht’ayatawa.
Barack Obama estadounidense nayra irpirix Oscar López Rivera jilatan taripäwip [2] mayjt'ayi. Uka jilax Puerto Rico markan prisionero político ukhamataynaw ukat wali jayaw watañ utan jikxatasxi.
Tunka paqallqun uru saraqkipan chinuqa phaxsit laphinakar qillqat yatisi, Qhanawa [3], Obamax uka jilatar antutxañatakiw arst’awatäna uka arsuwipanx López Rivera uka jilatarux janiw jank’ak antutatakaniti. Taripäwipax Tunka paqallqun uru llamay phaxsikamaw aka pä waranq tunka paqallqun marakamaw apasispa. Antutäwipax janiw kuna mayiwimpikanis sasina.
López Rivera jilatax nayraqat sawayatänawa, kunapachatix aka watañ utat mistt’awayax ukhax Chicago markar wila masijar nayraw jikist’ir sarawayaxa, aka taripawix San Sebastián del Pepino uka markan apasisp sasina.
López Rivera jilatax juchañchatanw kimsa tunk mara ukatx paqallq phaxsiw «jan kunx lurañ munkatanati» kunalaykutix Fuerzas Armadas de Liberación Nacional jan FALN, ukanakamp tantachasitapata, jupanakaw wal ch’axwawapxi Puerto Rico markax Estados Unidos markat jan qhiparxañapataki aka 70 ukhamarak 80 ukhanakana, aka wal pallapallanakampi. López Rivera jilatax janiw juchanikt sañax jisk’achasiñaw ukhamarak jan kuna jan walt’awinaks lurasasas chiqans López Rivera jupan jan walt’ayir yanaka utjanw sasaw arsu.
Global Voices yatiyawatanawa [4] walja maranakaw López Rivera jupan antutataxañapatakix mayitäna.