«Navegar con Libertad» de IPYS uka pajinan qalltañ uñacht’äwinakapa.

Ururüru 7 uru qasawi phaxsit qhantat pacharux venezola-nkir cibernauta-nakax canal de televisión web Vivoplay ukar janiw mantañ atxapxänti. Yaqhanakax VPITV ukat El Capitolio TV ukanakarux janirakiw mantañjamaxit sasinw yatiyapxäna.
Aka canalanakamp ukat yaqha canalanakampix Caracas markan unxtasiwinakax utjki ukanak chiqak uñacht’ayapxatayna, uka unxtasiwix Nicolás Maduro irpirimp jan iyawapk jupanakan amtatataynawa. Unxtasiwix qasaw phaxsi qalltatpach utjawayatayna, Corte Suprema Parlamento uksan irnaqäwinak askirjam uñjapxañap mayipxatayna.
Luis Carlos Díaz, periodista ukat Global Voices uksan qillqirix prueba de Traceroute ukan uñt’ayatayna, conexión ukax tukusxakiwa ukat apnaqirinakarux VPN (redes virtuales privadas) naktayapxam sasin iwxt’atayna ukhamt conecta-siñataki .

#Censura: VPN naktayasipxama. Venezolanos uñch’ukirinakan pajinanakapax jark’antatjamakiwa.
Akax sitio web @VivoPlayNet ukawa. pic.twitter.com/grHiiDYgJm

— Luis Carlos Díaz (@LuisCarlos) 7 de abril de 2017

Vivoplay ukax wali uñch’ukitapuniwa, medios tradicionales 2014 maran sartasiwinak imt’apxi, kunalaykutï Comisión de Telecomunicaciones ukax kawkïriy unxtasiwinakatï yatiychin ukarux juchanchataniw sasinw säna.

Jan cable-ni jan canal-ani ukat @vivoplaynet ukar mantta. Juk’a chanitakikiwa

— David Padilla G (@Dawarg) 7 de abril de 2017

ONG local VEsinfiltro,ukax janiw Vivoplay ukak jark’atakiti jan ukax yaqha pä canalax jark’atarakiwa, Asamblea Nacional ukax sesiones ukanak uñt’ayiri ukampachaw jark’ata, sistema de nombre de dominio (DNS) ukamp jark’atawa.

Instituto Prensa y Sociedad (IPYS) uksat mä nayra yatxatäwix servicio de internet uksan unch’ukirinakax yaqhipachax DNS uka apnaqapxi ukatx servidores de nombres de dominio ukax mayiwinakarux janiw jasak jayskaspati sasinw yatiyapxi. Kunapachatï mä sitio web ukax DNS uksatuq jark’atach ukhax servidor ukax janiw jayskiti, kunapachatï sitio web uksar mantä sapkat ukhax janiw sasinw jaysapxätama.

Confirmamos #BLOQUEO DNS: @elcapitoliotv [https://t.co/WAzRxFoJgA] @VPITV [https://t.co/GaoC9eGD4U] y @vivoplaynet [https://t.co/yLLMniAjjN]

— VEsinFiltro (@vesinfiltro) 7 de abril de 2017

A VPITV, kimsïr canalaw jark’ata, juywis 6 uru qasawi phaxsit yatiyäwinakap khuchhuqapxatayna, pallapallax VPITV ukan camarógrafo-paruw katuntatayna, Elvis Flores, Caracas markan unxtasiwinakax utjk ukwa chiqak uñt’ayasktayna. Flores jilax pallapallanakamp nuwjatataynawa. Kimsaqallqu pachaw jist’xayasitatayna ukhat antutxapxatayna ukatx VPITV canalax wasitat mistxatayna. Yaqhip sitios web ukanakanx YouTube uksaw uñt’ayasipki, jilïr irpirix internet utjañapatakix llakiskiw sasin yatiyapxarakïna, venezolanos jupanakatakix markan yatiyäwinakap yatiñatakix ch’amakinwa.