Wikipedia mä enciclopedia ukhamawa, janiw kuna qullqi utjayiripkisa, internet ukanx qillqatanakax inakiw jikxatasi. Taqinis qillqatanakap uñakipt’apxañapatak mayiraki, niyakixay qillqatanakapax inak yanapt’asirinakan qillqatachixa. Pajin uñjañapatak tiknikur payllañatakix mä campaña qullqi apthapiwimpiw payllasi ukxa Fundación Wikimedia ukarakiw apthapi, San Francisco uksan jikxatasi.

Wikimedia de Levante ukax yaqha tamarakiwa, janirakiw qullq utjaykiti, achuqa phaxsin 2015 maran utt’asiwayi, Wikipedia ukan yanapt’asiripat uñt’atawa, proyecto ukanakax pusi jach’a markatawa: Siria, Líbano, Jordania ukat Palestina.

Wikimedia de Levante, ukax walja wakichäwinak amtanak Wikipedia amtap uñt’ayañatak wakicht’i. Machaq yanapt’irinak wakicht’i maystax Wikipedia ukan qillqapxasp ukxat qhanancht’i, yanapawx fundación Wikimedia, Estados Unidos uksat katuqapxi.

Jichha luräwinaka:

• Mä conferencia Ar-Wiki (Wikipedia árabena) ukax achuqa phaxsin 2016 maran Ammán markan phuqhasiwayi: aka tantachäwix 20 árabes jan árabes jach’a markanakat tanthapiwayi.
• Mä siminaryu técnico, palestina de Ramallah markan taypi sata phaxsin 2016 maran phuqhasiwayi, árabenkir jan árabenkirinakaw waljan chikancht’asiwayapxi.
• Jach’a yatiqañ utan yatiqirinakataki, Wikipedia árabe ukan qillqapxañapatak askichapxañapatak yatichäwi. Jordania , Hachemita Jordania markat ukat Birzeit, Palestina markat jach’a yatiqañ utanakatw chikancht’asiwayapxi.

» Wikipedian historiapa» qillqat panka

Wikimedia de Levante ukan ch’amancht’äwipampi, aka qillqatax árabenx nayrïr pankjamawa ukanx Wikipedia uksat uñt’ayi mä juk’a utjir panka encyclopedia uksata. Abbad Diraneyya, jupan qillqatawa, Wikimedia de Levante, utt’ayiriwa ukatx apnaqirirakiwa (administrador), askichiri Wikipedia árabe uksan qillqiri ukhamrakiwa. Pankapax Librebooks.org, pajinan uñt’ayatäni licencia libre ukatx inaki ukhamarakiniwa. Pankax tunka mayan capítulos ukhaniwa maysatax Wikipedia uksat qillqt’atarakiwa.

Wikipedia ukan irnaqäwipxata, qillqäwipxata qillqt’atawa. Mä capitulo uksanx política de financiación – Fundación Wikimedia ukrak qhancht’i, kunjamas uka qullqi yanapwinakax uñjasi ch’iqiyasi ukxat uñakiparaki. Wikipedia ukatx mä waraqatas utjarakiwa, árabe uksan may may arunakapxata.

Juk’a arunakanx pankanx Wikipedia ukatuqit yanapt’atäk tamanakaru, amtanakaru ukxat qillqatawa. Árabe marka uksat Foro, conferencias ukat wakichäwinakxat uñt’ayi.