[1]Parodia del famoso afiche «We Can Do It!» (Atsnaw lurañxa). Tom Morris, Wikimedia Commons uksan jamuqapa. Dominio público.
Aka Wikipedia qillqatax Wikipedia uksan chachas warmis khuskhat [2] sarantañapxatawa, ukan yatxatäwiparjama, jiskt'äwi ukat qawkhas utji uka yatxatäwirux yatisiwa, «Wikipedia ukan editor-anakapax jilpachax chachanakawa», jakhüwinx 85 ukat 91,5% jall ukhawa. Fundación Wikimedia tamax uksatuqitx amuykipayañapawa, ukaw mä jach'a entidad ukhama uraqpachan enciclopedia libre ukar apnaqi, uka chachaw jila warmiw jila ukarux khuskhachañar [2] yanapt'aspawa.
Wikimujeres [3] amtax catalanohablantes satäk uksa markanakan uka jan pisiw jilaw uka utjañapatakiw yanapat'aski. Web pajinapax uksat uñt'ayi:
Wikipedia uksan mä tama apnaqiripxtwa, Wikipedia uksan chachas warmis jan khuskhatapat llakt'asaw irnaqpxta, ukar phisiqtayañatakiw irnaqsipkta uka enciclopedia-ax internet uksan wali mant'atapuniw ukhamt qillqatanakax uñakipt'ataraki.
Amtapax walja editor-a warminak chikanchasiyañatakiwa, ukakipkarakiw warminaktuqitx qillqatanak qillqapxaspa, sañäni, biografías ukatx markanakan nayrar sartäw utjk ukxatx qillqapxarakispawa. Madrid ukat Barcelona uksa markanx sapa simanaw tantachasipxi, «editatones [4]» uksa tuqiw yanapt'asipxi. Aka yatichaw tantachäwinakax ña ukhat ñä ukharuw apasi, Wikipedia uksan juk'amp askin qillqatanak utjayañataki.
[5]Montserrat Boix jupan jamuqapa, Wikimedia Commons (CC BY-SA 4.0) uksatawa.
Qhipa editatones ukanakax Wikimujeres uksat wakicht'atänwa, Medialab-Prado, Madrid uksan phuqhasïna, juk'ampis mujeres fotógrafas [6] , mujeres científicas [7] sutimp sutinchattuqitw jilpachax qillqapxäna .