Marawi, Filipinas markan ch'axwaw utjatapxat jan walt'äwinakax jamuqanakan ukat video-nakan uñt'ayasi

Marawi markan uta thiyanakax q’ala lluxthaptatkamakiwa, iyawsäwimp apnaqatawa .

23-ni uru saraqkipan llamayu phaxsit 2017 maratx mä tama ISIS uksan chikanchasirix Marawi uksan isla Mindanao, sur de Filipinas marka chiqawjaruw yanqhachatayna. Jilïr irpiri uksatx ley marcial ukwa uka yanqhachirinakatak apsu, yaqha markanakar ISIS uksat jan ch’iqinuqtaw utjañapatak jark’t’aw utjayañataki.
Ejército-mp militar-ampix ch’axwthaptawayiwa, Maute sutinix Marawi markachirinakaruw ch’ujtayañapatak mayt’atayna. 7 uru saraqat mara t’aqa phaxsitx 46,000 jan ukax 220,000 wila masiruw utanakapat jitjtayatatayna. Jilïr irpirix 33 katuqañ utaw utji sasinw yatiyi, ukampins 18,000 jaqirukiw katuqasin sasinw yatiyaraki.
Ch’axwawit kimsa siman mäkiptatarux Marawi markan utanakapax q’ala allinuqutaw uñjasïna. Uka jan walt’äwin aynacht’ayatax kunapachatï markachirinakas yatiyaw yatiyirinakas jamuqanak video-nak uñt’ayapkan ujaw sum yatisïna

Uka jan walt’aw utjatapatx Maute tamaruw juchanchapxi, maysatx ejército uksarus juchancharakiwa kunalaykutï ataques aéreos ukax sapa kutiw utji. Ejército uksankirix nänakax operaciones ‘bombardeo quirúrigico’ ukampiw sarantasipkta, ukatx yaqhip markachirinakax jisk’achasinw bombas aéreas ukamp jaqjanipxit sasinw sapxi.
Marawi, Majul Gandamra, alcalde-x markapan jan walt’aw utjatapampix aynacht’ayatawa:

I weep for all the civilians who were mercilessly killed, I weep for the lost homes of my people and I weep for the loss of the true essence of Islam in the people who caused all these destructions to our lives and properties.

Civiles jupanakar jan llakt’asis jiwayapk ukatw jachta, jaqinakajan utanakapax aynacht’ayätak ukatw jachta, Islam ukan jan walt’äwis jaqinakar aynacht’ayk utanakas aynacht’aykatak ukat jachta.

30 uru saraqkipan llamayu phaxsitx jilïr irpirix 19 civiles ukjaw terroristas amparanakapan jiwata sasinw yatiyi.
Pachpan jakasirinkaw aynacht’äwin jikxatasipxi, ukhakamax aynacht’äwix sarantaskakiwa. Ch’axwawix niya tukusxaniwa, Marawi marka sum utt’ayañax ch’amaniwa, kunalaykutï utanakax ejércitomp militantinakamp ch’axwthatatapatw aynacht’ayata.

Ukjarux Marawi markan jan walt’äw utjkï ukxat jamuqanak video-nakaw uñt’ayasi:

Palla pallanakax Marawi, uksan q’umachäwin sarantapxi. Najib Zacaria, jupan jamuqapawa, iyawsäwimp apnaqata

Tanque-nak pallapallanakaw Marawi uksan ch’iqinuqtatapxi, Maute tamankir jaqinakar jaqsuñataki. Najib Zacaria, jupan jamuqapawa, iyawsäwimp apnaqata.

Marawi markan kallinakapax ch’usakiwa. Maulana Mamutuk, jupan jamuqapawa, iyawsäwimp apnata.

«Akax janiw Alepo-kiti. Marawi markawa», televisión Gerg Cahiles ukan yatiyaw yatiyiripax sasinw qillqt’awayatayna. Facebook ukat Instagram ukan apkatak jamuqawa.

Campo techado convertido en centro de evacuación temporal. Se ve a algunas personas haciendo fila para recibir artículos del gobierno local. Foto de la página de Facebook del gobierno de la ciudad de Marawi.

Aruskipäwimp qallantama

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.