[1]Revisando envios al servidor en el campo. CC-BY David Luswata.
Kunapachatï mä jan walt’äwix purinki, qhisphiyir tamatak juk’a arunakan yatiyäwi. Kawkhans jaqix jaki uk yatiña, jasak mantañ minstuñ ukat umax utjk uk jikxataña, khitinakatï jakaw qhisphiyañan irnaqapk jupanakatakix wali askiwa.
Juk’ampins khitinakatix pata markanakan jakasipk jupanakatakix juk’amp llakiwa, kunalaykutï janiw chiqpach chimputakiti.
Missing Maps [2] (Mapas faltantes) amtax taqinitak yanapt’asiw amtawa, “jan utjkï” uka yatiyaw phuqhachañatakiwa. Amatax plataforma OpenStreetMaps ukampiw thiyat thiy irnaqi, yatiyäwinak apthapiñataki.
Yanapt’asirinakax uraqpachatw chikanchasipxi [3] satelitales jamuqanak uñakipas uñjañatak ukat mapanaka, thakhinaka ukat yaqha jasak jikxatañanak lurañataki. Pachanipkis ukha jan ukax “map-a-tón” [4] uka wakicht’atans kurapxarakispawa. Aka qallta yatiyäwix ayllunakan irpiripamp uñakipatarakispawa.
Maynïr Missing Maps jach’a amtax Sierra Leona, Liberia ukat Guinea mapanak lurañ 7,000 jila ayllunw [5] larasiwayi, uksanx jichhakiw epidemia de ebola [6] ukamp aynacht’ayat uñjasi. Aka mapanak lurawimpix tamanakax uka chiqanakan sutinakapar jasakw mantañ atipxi.
[5]Amtachiqa ukat jank’ak uñakipañatak ayllunakar purita , askin chiqanchat mapa. CC-BY Cruz Roja de Estados Unidos.