Bassel Khartabil juparuw Global Voices tamax amti, Sirio markan Internet uksan qillqt’irirakiwa
Bassel Khartabil. Joi Ito jupan jamuqapawa Wikimedia (CC BY 2.0) uksat apaqata.
Bassel Khartabil masisan jiwatapax llakt’asiychistuwa. Taqi wila masinakaparu, masinakaparuw chuymacht’aw apayapxtana.
Siria markanx Creative Commons ukan p’iqinchiripanwa , Bassel Khartabil (Bassel Safadi sutimp uñt’atarakinwa) Mozilla Firefox ukat Wikipedia amtanak sarantayarakina internet uksanx walpun sarantayäna. Global Voices uksans irnaqt’arakïnwa ukatx blogueros árabes (Arab Bloggers Meeting) 2009 maranx chikanchasirakïnwa.
Lapak phaxsin 2015 maranxa, Noura Ghazi, Bassel jupan warmipax Sirio markan jilïr irpiripatx katuntataw sasinw yatiyäna. Chachamax jiwayañatak uñch’ukitaw sasinw sapxatayna ukatx juk’ampx janiw yatiyapktaynati. Bassel jupax kawkhans jikxatasi ukax janiw yatiskänti, Noura jupan chachapax 2015 maranx katuntatakiskiw sasinw sirio uksan irnaqirinakapat yatiyaw katuqatayna .
Bassel web abierta uksan p’iqincht’iriparuw jallallt’täna, ukatx khitinaktï phisqha mara nayraxax antutatañapatak mayipkan jupanakarus jallallt’araktanwa.
2011 maran Régimen Bashar, Assad uka qalltatpachaw ch’axwawix utjäna, Derechos Humanos uksatax 65,000 jaqiw chaqtat jikxatasipxi sasinw yatisïnxa.
Qawqhanis munkir jan munkir jist’antat nuwjat ukham jikxatasirinakax janiw jakt’añjamakänti. 2016 maranx 17,723 jaqiw 2011 maran katuntat jikxatsirinakax jiwapxi sasinw derechos humanos Amnistía Internacional ukatx yatiyapxäna. Yaqhanakatax janiw sum yatiskarakinti.
Bassel jupan luräwinakapat juk’amp ullart’añäni:
- 2017 maranx artistanaka, qillqirinakaw Bassel Safadi programador sirio jupan jiwatapat amtapxi
- #FreeBassel: Web sirio ukan programador jilan mä mara chhaqhatapatax janiw armapkiti, taypi sata phaxsin 2016 marana
- B loguero sirio-palestino Bassel Khartabi jist’antat jikxatask jupatakiw mä munasiñ qillqäwil, febrero de 2015
- #FreeBassel: Siria uksan juk’amp sayt’asiwinapa, achuqa phaxsin 2014 marana
- #FreeBassel: Mä mara mäkiptata, internauta sirio jupax jist’antatakiskiwa , achuqa phaxsin 2013 marana
- #FastforBassel: Cibernauta sirio jupan tribunal militar ukar saykatäwipar ch’amanchaw mayiwi, jallu qallta phaxsin 2012 marana
- Bassel jupar antutapaxama: Mayni cibernauta siria juparuw asxarayapxi , jallu qallta phaxsin 2012 marana
Aka qillqatax GV Advocacy ukhawa, Global Voices ukax mä proyecto ukhamawa, arst’asiñaru, ukhamarak Internet uksan jark’äwix utjki ukaruw arxati. • Taqpach qillqatanaka
