Turkmenistán markanx qullqit pisinkañankiwa, ukhamipanx jilïr jayllt’askiwa ukatx bicicleta ukatw muynaqaski

Mä pop jaylliw qillqata, jayllita Turkmenistán markana, Gurbanguly Berdimuhamedov jilïr irpirita, pani yuqall wawapax ist’asipkiwa «Crónicas de Turkmenistán» uka qhiphatx jupan Facebookapanw mä video uñt’ayxani.

Janiw mundial jikxatäwir purkiti «Kachitaki», ukhamipans yaqhanakatakix askikiskiwa:

Голос отменный, молодец, культурный досуг всем необходим, от песнм душа расцветает!

Aski aruwa. cultura ukatx ocio ukanakax uraqpachatakix askiwa. Aka jaylliwix chuymarux purkiriwa!

Turkmenistán uksanx derechos humanos ukax janikiw anch jach’anchayatakiti ukatx qullqituqi pisinak jikxatsi irnaqawix pisikiwa ukatx yanaktuqitx pisinkakiwa. Ukampirus Berdimuhamedov, jupax anata phaxsin 2017 maran «chuymanakar puritayna» 97.69 % ukha jaquntirinitaynawa ukatx janiw taqinir yatiyañ munkiti janirakiw «markan aski jikxatäwinakapats arskarakiti».

Aka jikxatäwinakax jumankiwa: «Yadimda» (turkmeno arun «yo recuerdo» sañ muni) jilïr irpiritx janiw näyrïr qillqata, jayllitakiti, qillqaña, jaylliñax janiw sapa waxt’äwinakakiti.
Berdimuhamedov jupax Foreign Policy qillqatatax «uraqpachatx jan wali dictador ukhamaw» sasinw saraki, 40 jila pankaw qillqatayna ukankax kunaymantuqitarakitaynawa. Maymarax iyawsawituqit qillqatayna:

Odontología uksat yatxatatawa ukatx anatäwir muniriwa, maykutix ministro-nakaparuw munkir jan munkir iyawsayasin gimnasio ukar irpatayna:

Willka kuti phaxsi tukuyaxa, jallu qallta phaxsi 2017 maran Juegos Asiáticos Bajo Techo ukat de Artes Marciales uka pasiñapäk uka nayrt’kasinx jilïr irpirix bicicleta ukat sarnaqatayna, capital jach’a markan k’añaskunakan sarnaqañaps q’alpun jist’antatayna
Berdimuhamedo, 60 maraniw 2006 mara tukusinw jilïr irpirir Saparmyrat Nyýazow jupan jiwatapata, jupax independencia de la URSS ,1991 martapachaw uka poder ukankatayna. Nyýazow, jupax Turkmenbashi ukjamw uñt’ayasitayna (turkmenos ukan awkipa). Yaqhax markan latino arur alfabeto turkakipawiw luräna, phaxsinakan sutipax ukakipkarakiwa (qasawi phaxsi sutix mamapan sutipamp qillqataxänwa), simanan sutinakapaxa (sábado ukasti «Rukhnama» sutimp uñt’ataxanwa, novela espiritual-apanwa), ukat yaqhanakamp kunaw turkatanxa. Rukhnama, turcomanos ukatakix payïr yäqat pankaw tukusxana. Markapanx 15.000 monumento ukhaw jupar amtkay luratatayna yaqhipanakax llijkirinakanwa.

Gurbanguly Berdimuhammedov 2009 maranw Barack Obama ukat Michelle Obama jupanakampi jikisir saratayna. Lawrence Jackson jupan jamuqapa. Dominio público uksata.

Nyýazow jiwatapataxa, Berdimuhammedov, yaqhip títulos oficiales (uñt’ayasitanaka) «Líder de la Nación» ukat «Arkadag» (protector) ukham uñt’atanakas ukankarakiwa, jupankirir tukuyañataki.

Jupan política amtapax pachpakiw sarantayataskäna. Turkmenistán pusïr reserva de gas ukxa utjyaskakiwa qullqit pisinkawinkapxiwa (jutïr Juegos Asiáticos sutin uñt’ats nayraqat amtkchi).

Mayni arst’irix YouTube, chinuqa phaxsina 2017 maran jilïr irpiriruw k’umiwayi :

Вот что бывает господа, когда у человека очень много денег и он пользуется богатствами и ресурсами страны в личных целях. Не удивлюсь если завтра он захочет свой космический корабль или еще чего, ракету баллистическую например. Страна в ж…, люди голодные холодные, экономики никакой, производства никакого, живут только за счет газа и великой воли великого святого Гурбангулы.

Kunapachatï maynix walja qullqinik ukhax akaw utji ukatx utjirx apnaqi ukakipkarakiw markan yänakaps apnaqaraki taqi ukanakax jupatakikiwa. Kunapachatï mä awyuna jan ukax cohete balístico alaskasp ukax janiw muspaykitaspati. Markax sinti jan walt’äwinakaniwa, jaqix manq’at utjatawa, thayjata ukatx janiw qullqix utjiti, gas ukat San Gurbanguly el Magnífico ukatakw jakasipxi.

Aruskipäwimp qallantama

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.