Anatäwin “gooooooool” qhichwa arun uñt'ayäwipa


Jichhakiw qhichwa arst’ir anatirinakar ch’amancht’irinakapax qhichwa arun qillqt’asin walpun uñt’ayapxi, akax YouTube uksan pä rayrun chiqak uñt’ayataparuw ukjam phuqhasi.
Qhichwa arunx kastill arun kipkakiw “gol” sasin apnaqapxi, ukampirus pä aruwa. Qhichwax tayka aruwa ukhamarus Sudamérica uksan arst’atarakiwa. Kimsa waranq waranqaniw qhichwa arx Perú uksan arst’asipxi.

Mundial Rusia 2018 atipjäwitx sapa kutiw jak’achasi 2-1 Ecuador ukar atipjatapatx 5 uru sata qallta phaxsin 2017 maran mä aski jikxatäwir sari. Perú markax jichhakamax pusïr chiqankiwa, ukax mä chiqak jikxatäwiwa, Argentinjama.
Aka qalltax Asociación Audiovisual Indígena del Perú – Inkari ukat Interactiva Medios ukanakan irnaqäwipawa. Aka yant’aw utjataparux jach’anchañaw ukalaykuw anatirinakar ch’amanchirinakax p’arxtapxäna ukatx YouTube uksaw jupanakax qhichwa arun uñt’awayapxi.

Yaqha rayru Radio Peruana Unión sutiniwa, uka anatäwitx qhichwa ukat español pä arunw wayratuq uñt’ayawayi. Kusisiñaps uñt’ayirix paypach goles ukanakaw uñt’ayawayi. Yaqhax ukakipkarakiw mä video ukax utji ukax Perú markamp Bolivia markamp nayrür anatäwitawa ukanx ukakipkarakiw qhichwa arun uñt’ayi.

1 Amuy qillqata

Aruskipäwir chikancht'asima (unete a la conversación)

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.