Taqpach arunak uñjaña? Global Voices qillqatanak jaqukipapta medios ciudadanos ukar tukuyañataki

Juk'amp yatiyäwinak ullart'añataki Lingua jaqukipäwi  »

Kirguistán markanx k'añaskunakan chijir puriw utjatapatax iwijanak qharirapxi ukhamat waxt'anchañataki

Mä iwijan jamuqapawa, pexels.com (CC0).

Akax EurasiaNet.org chikanchasirin uñacht'äwipawa Nurjamal Djanibekova jupan qillqatawa. Iyawst'äwimpiw wasitat uñt'ayasi.

Lapaka chika phaxsinkasinx Kirguistán markan jilïr irpiripas yupaychirin p'iqinchiripas mä iwijaruw kharinuqupxi ukhamat waxt'aw lurañataki, kunalaykutï k'añask sarañ thakhinx kunayman chijinakaw utji, taqi ukanakar tukhañatakiw uka waxt'awx lurapxi.

Waxt'äwix mä aski uñacht'äwinwa. Toktogul, markan jamuqapa, markan apnaqiripax Bishkek uksat Osh ukar sarir tata q'iwirinakaruw aychanak churapxi, ukatx k'achakiw jalapxat sasinw mayt'atayna.

“Taqi tata q'iwirinak makiptkän jupanakaruw churapxtxa, Tatitut mayt'asisapun sarapxam sasinw ixwt'apxta. Taqi kunas askin sarañapatakiw mayt'apxta, tata q'iwirinakarus askinak thakhin sarañapatakiw mayipxta, ukhamarak kuna kamachinaktï utjkï ukarus phuqhapxañapatak mayt'ataw sasinw EurasiaNet.org jupax arst'awayi. Alipbai Boroshbayev.

Boroshbayev jupax p'iqinchirinakas ukat markan clérigos uñt'atatanakas uka chaninchäwitx jupanakaw uchawayapxi.

Jalalabad, Nurlan Sarkarov, ukan palla pallan jilïr irpiripax institución ukax aka qalltäwirux yanapt'iw sasinw sawayi.

“Markachirinakamp jilïr irpirinakampiw aka islámico waxt'aw lurañatak amtawayapxi. Mä jach'a thakhinpunw lurawayapxi, pallapallanakax aycha ch'iqiyañs ukhamarak ixwt'añs yanapt'asiwayapaxarakiw sasinw Sarkar jupax sawayi.

Walja kirguisos k'añask apnaqirinakaw pallapallanakamp phisimpit achakumpit anatapxi: walpunw jaltapxi. Jak'achasinipk jupanakax janiw sayt'ayapaxtat sasinw sapxi.Q'iwt'añ chiqanakanx janiw wal jalapxañapakit sapxiwa.

Sarkarov jupax pallapallanakax juk'akiw irnaqañapak ukjax uñjasi sasinw sawayi.

“Yaqhip chiqanakanx uka k'añaskur uñjir pallapallanakax janiw jikxatasipkiti, q'iwt'añanakans janiw uñjaskiti. Kamchinakax janiw akanakx phuqhaskiti. K'añask q'iwirinakax ukarux janiw yäqapkti ukatx arumaw k'añaskun ikxapxi” sasinw sawayi.

K'añask uñjir pallapallanakax art'apxi 10 mara makipktki ukanx Kirguistán markanx 695 jaqiw jiwaratayna. 2016 maranx 771 jiwataw pisiqtawayxatayna. Pallapallax k'añaskunakan wal jalnaqapxatapatx walja jiwataw utji sasinw qhanancht'awayi.

Aruskipäwimp qallantama

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.