- Global Voices Aymarata - https://aym.globalvoices.org -

Japón markan expendedoras makinanakapaw kutt'ani — jichha mänx pizza-nakamp crepe-nakampi

Categoria-naka: Japón, Arte y Cultura, Citizen Media, Tecnología
vending machines in japan

Honmachi, distrito del entretenimiento, Tsuruga, Japón uksan expendedoras makinanaka. Jamuqa: Nevin Thompson.

Expendedora japonesas makinanakax wali uñt’atawa, panqaranaka, jisk’a ch’iwiñanaka ukat kurwatanak aljañatsa. Ukampins mä expendedora makinampix sapa pä tunka kimsani jaqita [1] ukatx sapa maran aljasinx 60 000 waranqa waranqatx jilawa [2], maysatax yaqha muspkayaw utji kunatï makinat mistkï ukatxa.
Twitter uksanx senegirl [3] apnaqirix Naver Matome [4] sitio web japonés uksanx kimsa expendedora makinatw uñt’ayi ukanakax kimsa markanakankiwa.

¿ Japón markanx jan qhananchirini? Ukhamawa…¡mä expendedora pizza lurañ makina jichha junt’uchataki! 😛😛 Manqhanx mayni awkisitjamakiw wakichixa.

Hiroshima markanxa, pizzas phayañ expendedora makinan uñstäwipatw arsusipki TSUTAYA [7], Japón markan librería uksanakan utji. Expendedora makinax pä kast pizza phayañatakiwa: margarita [8] (albahaca, mozzarella kisu ukat salsa de tomate) US$10 ukha ukatx pusi kisu US$13 ukharaki ukatakix kimsa k’ataw suyt’aña. TSUTAYA empresaw uka makinanak utjayi ukat yaqha utjayañ amti niyas uka kipkanaka ukanakax Japón markan librerianakapan utjañapataki.
Alasirinakax uka pizza lurañ makinanak uñjasax muspataw jikxatasipxi.

¡Japón markan nayrïr uñstiri! Mä expendedora pizza lurañ makina jichha junt’uchataki. (^^)

Irnaqäwij jak’ankiwa, yant’ir sarañw amtasktta. 🍋 Lemonsco-jampiskiwa. Janiw yant’añatak pachanïkti, ¡ukampins jutirinx yant’äpuniwa! (*'▽'*)

Inashiki markax Ibarak uksan jikxatasi, Tokio markarux mä pacha puriñankiwa, uksan ukakipkarakiw mä manq’a phayañ utanx expedendoras makinax 1960 maratpach utjaski ukax askinakiw apnaqataski [13].

Nayra jach’a thakhi thiyanx mä k’añask aljañ utanw expendedora makina nostálgica ukax utjaski, ukanx waljat manq’ alasisma. 300 yens (US$3.00) ukhampiw mä kajax alasitaspa ukax jak’ankir aljañ utan wakichatawa.

300 yens (US$3.00) ukhampiw saririnakax mä kaja aychamp arusamp ukat lawitapampach manq’asiñatak alasipxaspa. Kimsaw ajllisiñatak utji: wallpa thixita, khuchi chichi ukat parillar qhatihyat aycha. Aka qhipakïs ukax wali kusapuniwa.

Tiliphisyunanx parillar aycha qhathit uñacht’ayi.

Yaqhasti, Kagoshima markan suroeste isla Kyushu, uksanx mä expendedora makinaw crepes ukat jichhak lurat utji. Tenmonkan [20] Kagoshima uksa markankiwa, k’añask sayt’añawjan imantataskiw ukatx jikiñax wali ch’amaw sapxiwa.
Yaqhipax jikxatapxiw expendedora makinxa, ukatx 200 yens (niya US$2.00) ukhampiw uka suma crepes uk katuqapxi.

Kagoshima ukan imantat qurjama: ¡expendedora makin crepes ukata!

Expendedora makinax kunayman sawuran crepes ukanak jikxati crema de chocolate, caramelo, crema de fresa ukat queso jall ukanak utjayi. Crepes ukanakax mä qhisphill wutillaruw luqtasi, alasirinakax tukuntxasax kutt’ayxapañapakiwa.
Aka expendedora makinax wali munatapuniwa, yaqhip markachirinakax yaqha markanakan utjarapachat alajañat sasinw jiskt’asipxi:

“Aka expendedora makinax Kagoshima uksan utji, ukampins ¿yaqha markanakan utjarapchati?”.

“Janiwa, janiw [akanak] utji. Wal jutaskchiyäta…”.</blockquote