- Global Voices Aymarata - https://aym.globalvoices.org -

Venezuela markan Luis Carlos Díaz periodistar antutawayxapxiwa juparux “instigación a delinquir” ukham juchanchapxänxa

Categoria-naka: Latin America, Venezuela, Citizen Media, Digital Activism, Human Rights, Libertad de Expresión, Media & Journalism, Últimas Noticias, GV Advocacy
[1]

Luis Carlos Diaz jupax kupix tuqinkiwa, Marco Ruiz jupasti Sindicato Nacional de Trabajadores de Prensa (SNTP, uksan irnaqiriwa jupax ch'iqäx tuqin qunt'atawa jupax juchanchataw uñjasïna ukatx antutawayxapxarakitaynawa. Video SNTP uksat waruqt'atawa.

Niya chika aruma, achuqa phaxsit 12 uru mäkiptatarux Caracas markanx Sindicato Nacional de Trabajadores de Prensa de Venezuela uksankirinakax Luis Carlos Diaz yatiyaw yatiyiri ukhamarak derechos humanos arxtirirux venezolana jilïr irpirinakax antutawayxapxiw sasinw yatiyapxatayna, jupax niya 24 pachaw jist'antat jikxatasitayna.

Jupax [2]«instigación a delinquir» ukham juchanchataw jikxatasitayna, jupax akham kunkimpiw antutatatayna, sapa kimsaqallqu urutw inteligencia (SEBIN) irpirinaka ukar uñstañapa ukatx Venezuela markanak jikxatasiñapa. Ukakipkarakiw kunapachatï jist'antat jikxataskän ukxat jan arusuñapatak jark'atawa.

Yatiyaw yatiyirix 34 maraniw 11 uru achuqa phaxsit chhaqtataxatayna. [3] 2:30 willjta pacharux 12 uru achuqa phaxsitx Estado ukan seguridadan irnaqirinakapax utjawiparuw irpapxatayna. Utapanx warmipampiw qamapxatayna ukanx dispositivos electronicos ukanak apthapipxatayna ukatx utjawipatx Diaz juparux irpxaruwayxapxataynawa.

Uka yatisinx waljaniw Ministerio Público uka anqäxanj Diaz jupan Naky Soto warmimap chik tantachasipxatayna, warmipax analista ukat activista política ukhamarakitaynawa.

Ministerio Público uka anqäxan tantachasitapxi, Luis Carlos jupan antutatañapatakiw mayisipki. Twitter uksan jaumaqax uñt'atayatawa.

12 uru achuqa phaxsitx wali qhara pachatapachaw internet redes uksan ch'iqiyata mäk antutatañapataki. #DondeEstaLuisCarlos [4] uka uñacht'awix #LiberenaLuisCarlos [5], Venezuela uksan ukhamarak uraqpachan ch'iqintataxänwa.

Díaz jupax antutat jikxatasxasinx warmipan cuentapatw tuytiyäna, walik ch'amancht'apxistax sasina:

Luis Carlos jupax mä masiwa Global Voices uksan chikanchasiriwa [7]. Walja maraw libertad de expresión uka thaqhasax irnaqxi ukhamarak Venezuela markan yatiyawinakap redes digitales ukanakan uñt'ayasa. Soto jupampix mä video nayrax YouTube [8] ukana, jichhax Patreon ukan uñt'ayapxi kunjamas politico ukxat walja qillqäwinakaw utji.

Luis Carlos jupax yatiñ kankañanitapatx irnaqiritapats Venezuela uksan digital uksa yatiyäwinak yatiyatapatx wali uñt'atawa.

Global Voices uksankirinakarux irnaqir masin antutaxatapax wal kusisiyi, ukhamat jupax wila masipamp chikaxatapa. Ukxatx uñjatakiskaniwa.