- Global Voices Aymarata - https://aym.globalvoices.org -

Cumbre de Medios Ciudadanos, Global Voices ukar chikancht'asim Asia ukat Pacífico uksana: 2 uru mara t'aqa phaxsin Taiwán markana

Categoria-naka: Asia Oriental, Taiwán (ROC), Citizen Media, Anuncios

Qhanancht'añ munapxtxa, Asia markankir tamasaw  Cumbre de Medios Ciudadanos de Global Voices ukar Asia ukat Pacífico [1]  Taipéi, Taiwán uksan katuqt'äni. Uka jikthapäwinx GV tamataypinkirinakaw aruskipt'apxäni ukakipkarakiw chikanchasir tamanakax tantacht'asipäni ukatx 2 uru saraqat marat'aqa phaxsit 2019 maranx mä yatiyäwimpiw tuykt'ayawayxäni. Ukar chikancht'asiñatakix akar [2] qillqt'ayasima.

Cumbre de Global Voices, Asia ukat Pacífico uksanx periodistas, blogueros, activistas digitales ukat investigadores jupanakaruw yatitanakap irnaqäwinakap uñacht'ayañatak tantacht'äni, ukhamat yatiqañataki. Ukanx tecnológico-políticos, derechos de internet, activismo, seguridad, privacidad digital, inclusión ukat desarrollo digital ukanakaxat aruskipt'atäni pä t'aqanakxat juk'ampis aruskipapxäni: “El crecimiento y los desafíos del autoritarismo digital en la región Asia-Pacífico” ukat “La respuesta de los ciudadanos al autoritarismo digital”.

Cumbrex Fundación de Taiwán para la Democracia, Open Technology Foundation, Open Society Foundations ukanakat ch'amancht'atawa, Centro Chang Fo-Chuan para el Estudio de Derechos Humanos, Universidad Soochow de Taiwán ukat wakichatarakiwa.

 Global Voices [3] ukan wakichäwinakapax Cumbre de Medios Ciudadanos de Asia uksat ukhamarak Pacífico uksankirinakatakis mä askiniw yatiqañatak ukhamarak uñt'ayañatakixa. Combre ukam Sitio web ukar [1] mant'apxam kawkhachiqasa, kunjam qillayasiñasa, wakichäwipa ukat juk'amp yatiñataki. Pach apst'asima!