¡Llikan aruskipäwinakas jark’aqañatakix jan khitins amuykay chimpunak uñstayapxañäni!

Phuyu (phuyu.no) jamuqiri

Jan amuykay chimpuxa, llikan yatiyäwisamp aruskipäwisamp jark’aqi.

Mayïri: Mä jan amuykay chimpux akjamat jark’aqiristama:

Jumxat yatiyäwim jark’aqaña.
Llikan aruskipäwinakamax jark’aqatäniwa.
Juman jan iyawsat jaqinakax janiw kuñtamar mantapkaniti.

Payïri: Chimpuman jan amuykayäñapatakix manqhäxan qillqatäkis ukarjam phuqt’am:

Sapa mayax janiw kipkañapäkiti.
Jan amuykayäñapawa.
Walja arunaka jan ukax jayllïw sutinak apnaqam, ch’arqthapisa.
Ch'arqthapkasax qillqanaka, jakhunaka ukat jisk’ jach'a qillqanakamp anatam.
Kimsaqallq qillqäñapawa, asint qillqanakx janiw apnaqätati, janirakiw wakiskir qillqanaksa.

Uñacht’ayanaka:

Juk’amp jan amuykay chimpunakaj qillqäxa
Juk’amp jan Amuykay Chimpunakaj qillqäxa
Juk’amp jan Amuykay Chimpunakaj q*illqäxa
Juk’@mp jan Amuykay CHimp+unaka¿ qïllqäx*
Juk’@mp ¿an @mu¥k@y CHim?+unaka¿ qillq@x@

Jan akjam chimpunak apnaqamti, janiw akjam chimpu apnaqkasmati:

Uñt'at “chimpu123”.
Nayrürutix apnaqchiyästa.
Ch'usa utjchi, qalltchi jan ukax tukuychi.

Kimsïri: Jan khitin amuykay chimpunakax akjamanakanïspawa:

Jumatakix jasak amtkaya, yaqhanakatakisti jan amuykayäñapawa.

Yaqha jaqin qillqañ ch'amäñapatakix jan amuykay jach'ar sarir qillqäñapawa.

-Jan jumxat jatiyäw uchamti, sañäni mara phuqhäwima-

-Jan sutima jan ukax mayni munat wila masiman sutip uskumti

-Jan taqin uñjkayar jaytamti

Phuyu (phuyu.no) jamuqiri

Pusïri: Chimpunak uñartayirinaka.

Akjam chimpunak uñstayañax mä juk’a ch’amaspaxa, tiknulujiyax juma jak’ankaskiw ukatx yanapt’iristamwa. Uka ukanx jutir waythapirin jikxatkäta uka llikankir iramintampiw jark'aqir chimpunakam uñartayasma: https://passwordsgenerator.net/es/

Phisqïri: Chimpumax kunja jan amuykayas uk yant’aña.

Ukjaruxa chimpunak uñstaykta, uñartaykta ukax kunja jan amuykayapunis ukwa uñjasma. Uka lurañatakix yaqha llikankir iramintaw utji, ukx inakiw apnaqasma ukjamarak chimpumax kunja ch’amanis uksa uñjasma.

Munat thaqhir lnternetamanx manqhäxankir waythapir qillqt’asma: https://howsecureismypassword.net

Suxtïri: Payachasta ukax mä uñjiri apnaqam

Kawkïr tiknulujiku jan ukax qillqattuq uñstaykta uka chimpxat lup'isax payachasiskaksta ukaxa, yaqha mantañ munki (lunthatatati) uka uñjañatakix aknïr waythapiriruw mantasma: https://haveibeenpwned.com/Passwords