La Antígona Dina Boluarte Perú markan 2022 ukat 2023 maran unxtasiwinak utjayawi 2022 y 2023.

Akxa Valeria Delgado-w Antígona ukan Global Voices ukamp mayachasisin qillqi.

7 uru jallu qallta phaxsin 2022n marana, Dina Boluarte, Perú markan sullkïr irpirix jilïr irpirjam makhatawayi. Ukürux amtkañ jach’a urünwa nayrïr kutiw mä kullakax jilïr irpirjam utt’asiwayi, ukampins jupatakix unxtasiña, chhijllaw utjañap mayiwi ukat jaytxañap mayiwi ukanak janiw amuykänti.

200 mara jilaw República sutimpix mäkiptxi ukhamat mä kullak irpiriniñataki. Ukhat jichhakamax jupan suyt’añap mayipxaraki.

Angélica Motta Ochoa, antropóloga warminakat arsuri ukhamarak chacha warmituqit yatxatatax Antígona tuqitakix arst’arakiwa “política tuqin kullakanakax chikanchasipxañapax askiwa kunalaykutï taqinitakiw democraciax utji”

“Askiwa, chachanakan política uksan irpxarupxañapax askit sasinx janiw khitis jiskt’askanti” sasin yapxat’i.

Nayrja maranakat pachaw kullakanakax utan lurawinakamp phuqhirikikaspas ukjam uñt’ata, chachanakakiw política uksan chikanchasiñ yatipxi. Perú markanx mä kullakaw irpxaruski.

Dina Boluartex Pedro Castillon sullkïr irpiripänwa. Jamuqa: Perú markan jilïr irpiripa.

Sallqantaw amuyu

Dina Boluartex política uksanx sullkïr irpirïnwa, partido de izquierda uksata Pedro Castillox jilïr irpiriraki. Boluartex ancashina uksankiriwa, qhichwa arut arst’asiri ukhamarakiwa. Áncash markax norte de Perú uksan jikxatasi.

Corrupción luririw saw Castillorux juchanchapxi, ukatx nayraqataw, Perú Libre ukarux ministrax jaytxäna ukatx Vladimir Cerrón jupax kipkaraki, ukharux Castillo irpiriw jaytxarakïnxa . T’aqxtawix janiw kuna askikansa, jupax electorado ukarux janiw yäqawaykit saw Motta Ochoax arst’i.

“Dina Boluartex kunti kampañanx arst’awaykan ukarux janiw phuqhawaykiti. Pedro Castillox janirakiw kuna aski lurawinakas uñstayawaykiti. May may lurawinakampiw phuqhapxax sasinw markachirinakarux arxatyt’apxäna, markatak aski jumanakatak aski sasina, taqi ukanakax suyt’ataw jikxatasiway sarakiw antropologax arst’araki.
7 uru jallu qallta phaxsinxa, Pedro Castillox Congreso de la República suyt’ayaraki ukatx Boluarte jilïr irpirjamaw utt’asiraki. Ukampirus janiw kuna turkakipaws utjaykit mayni irpirinakat sipans jisk’achasiña yanqhachañanakak utjayi.

“Dina Boluartex jisk’achiri ukhamarakiwa, poderes de las élites económicas ukanakarus arxatarakiwa taqi ukanakaw uñjasiwayaraki markachirinakax voto ukampis yanapt’apxänwa jupanakarux wila wartawimp yanqhachawimpiw kutiyaraki ”, saw Motta Ochoax arsti.

Dina Boluartex Keiko Fujimorimpiw tantasi, Fuerza Popular uksankiri, 15 uru anata phaxsina 2023 marana. Jamuqa: Presidencia de la República del Perú uksata.

Patriarcal ukampir kuwirnux yanqhachawayi

jallu qallta phaxsin 2022n marana, juramentación luratapat k’umiwinak utjki uksatx Boluartex “mä jan waliwa, jisk’achawiw warminarux janiw yaqäwix utjkit saw arsu”. Kullakanakax wali kusisitapxañapaw mä jilïr irpir kulak uñjasax sarakïnwa.

Unxtasiwinx uñjasirakiwa Universidad Nacional Mayor de San Marcosuksan katuntawinakas utjarakiwa,walja pallapallanakaw jach’a yatiqañ utarux mantantapxän ukatx khitinakati markanakat unxtasiwimp phuqhap jupanakar ukhamarak yatiqirinkaruw katuntawayaraki. Maysatx markachirinakax phiskasiñ munapxit saw uñt’ayapxarakïnxa uksatx janiw qhana yatxatawis utjkanti.

Nayrïr jilïr irpiri kullakatakix qallta phaxsinx may mayiwinakaw utjäna, yanqhachawi 60t jilaw jiwatax utjji (58 bombas lacrimógenas ukamp yanqhachata) mä chimpu jaytawiw utji.