#Saranak. México markan Mayanses aru llikatuqi ch’amanchi sarayirinakaru uñt’apxañani.

Juan Vázquez Méndezan jamuqata, iyawsatampi uñt’ayata.

Sarnaqäwinakxata uñt’apxañani Mayaneses aruna Activismo Digital uksatuqi 2024, ukasti Rising Voices ukampi ch’amanchatawa. Markanakanx kuna saranakasa utji ukwa qillqt’asin llikatuqix qillqirix uñt’ayi.

Saräwisamp arusamp ch’amanchasa

Sutijax Juan Vázquez Méndezawa, Xunté ukham sutimpiw jilpachax uñt’apxitu. Nayax San Juan Cancuc markankirïtwa tseltal aru arst’asiriraki. 35n maranïtwa

San Juan Cancuc maya tselta saraw taypinkiri wali askiwa. Markajan tayka aru jichhakam arst’asipk ukaw nayatak aski, kunatï sawuñanakas utjki ukanaka. Nayatakix tseltal arux aski uñanchanakaniwa, San Juan Cancuc markanx sapa patakatx 90 ukhaniw uka aru arst’asisipkta.

16 maranïkayat ukhatpachaw jaquqipt’irit sarantaniwayta, kullakankar yanqhaw utjki uksatuqinakata. Jichhasti, tzeltales waynanakaruw kawknïrinakas markanakan derechonakapaxa uka yatichasaw irnaqaskta. Markaj pachpan derechos humanos arxatawtuqit nayarar kunkanachayasaw sarayaskta.

Walja maranak irnaqawaykasin Activismos Digital ukaruw chikanchasiwayta Mayenses aruna. Aka wakichäwina chikanchaskasax markajan kunsa irnaqtxa, ukhmaraki arujan markanakan derechona yatichtkt ukaruw ch’amanchitu.

Tseltal aru markan yatiyañataki

San Juan Cancuc markanx kunatï markachirinakan jan walt’äwipaki ukhamaraki pachana jan walt’äwinakapar thurkatawayatak ukxat janiw anqäxar yatiyatakiti. Markanx janiw yatiy yatiyirinakax utjkiti. Ukatwa, “programa activismo digital” uksax kunakankasa markanx mäkipaski, kuna yatiñanakasas utjaski saraw sarnaqäwinakxat uñt’ayä.

Amta wakichamp sarantkasax Iwiltic markankir wayna tawaqunakar yatiqirinkaruw jawillt’ta, tzeltal aruna jupanakax yatintapxañapataki ukax San Juan Cancuc markan periodismo digital comunitario uksatuqi phuqhapxañapataki. Aka yatichäwinakax wayna tawaqunakan markanakapan yatiñanakap qillqas uñt’ayapxañapatakiwa.

Kiltik Periodismon jamuqapa, iyawsatamp uñt’ayata.

Llikatuq yatiñanakas saranakas uñt’ayañax mä aski phauqhaw amtanïñawa, ukataw nayarar sarantayañ ch’amanchañ amtampix sarantayata.

Amta wakichatax markankirinakan chikanchasiñanakaparuw ch’amanchi, ukax wayna tawaqunakan irnaqäwipax mä jathar uñtat ch’amanchañakaspas ukhamawa. Wayna tawaqunakan chikanchasiwipax wali askiwa, jupa markan markachirinakpura wawanakpura yäqasiw utjañapawaruw ch’amanchapxi. San Juan Cancuc markan wayna tawaqunakax derechos humanos ukanak askin jach’anchayiripxasp ukaw munata.

Wayna tawaqunakaruw jawillt’ta jupanakax markanakan kuna saräwinakas utji ukanak uñt’ayas nayarar jach’anchayañ amtanak phuqhayañ amuyunakanïpxañapataki.