Apthapi Digital

Arunaka

Cifrar = Chimpuña
Copia de seguridad = Jark'aqat waraqäwi
Cuña de audio = Ist'añ chillpa
Disco duro = Waraqañawja
Disco externo = Anqa imaña
Empresas cibermercenarias = Llika lunthatir imprisanaka
Formatear = Qalltayaña
Infectar = Piykataña
Seguridad digital = Llika jark'aqäwi
Servicio de inteligencia = Uñaqir saraña
Seudónimo = K'ari suti
Sistema operativo de código libre = Inak chimpun sistima upiratiwu
Software libre = Ina software
Tecnologías de software libre = Inak software tiknulujiyanaka
Violencia de género = Warmir chachar yanqhachaña

Apthapi Digital amtaxa, aymara markanakar llika jark'aqäwi uksat amuyt’ayañataki, yatintayañataki ukat ch’amanchañatak kunkimpiw lurasi.

Amtasax mä qillqatani ukatxa mä ist'añ chillpanirakiwa, jasa apnaqkayakiwa, ukat inphurmatika uksat jan suma amuyapki jupanakatakix kunjamti tiknulujiya uksat arst’asipkix ukarjam wakt’ayatawa. Ina software tiknulujiyanaka uksatuqit qillqatax aski ukat qhanats qhanarakiwa, llikan yatiyäwis jark'aqasiña uksata.

Apthapi Digital ukax mayacht’asis ch’amampiw wakichata, markanakatak ukhamarak khitinakati llika jark'aqäwi uksat juk’amp yatiñ munapki jupanakatakiw qillqatatuqis ist'añ chillpatuqis uñt’ayata.

Jach’a amtax ina software iramintanakxat wakiskir yatiyäw ch’iqiyañatakiwa, uka kipkarak aymar markanakar llika jark'aqäwi ukax jilpach puriñapatakiwa. Llikan tantachasisaxa, pata uksan yatiykipasitanakasamp llikankir yatiyäwimpix juk'amp jark’aqatäñapatakiw inak tiknulujiyanak apnaqapxañap munapxta. 

Tama

Victoria Tinta Quispe433 Qillqatanaka
Elias Quispe Chura48 Qillqatanaka

 

Jamuqiri

 

Yanapt'apampi

 

Chillpa waruqiri

 

Uñtañ waruqata

 

Jallallt'äwi

¡Uñt'ayapaxañamax askispawa! taqpach utjirinaka (qillqata, ist'añ uñtañ waruqata ukatx jamuqanakampi) Creative Commons lisinsyapamp apnaqatawa.
Akxa apaqasmawa ukat marka masinakamaruw uñt'ayasma, khititi uñstayki ukar yäqas apnaqasapuni. Taqpach (ist'añ waruqta+iwxt'äwinaka) munstaxa, akaruw qillqt'anipxitasma.

Ist'aña

Anqan jark'aqatäñasatakiw llikan amuyt'asisktana

Llikanx khithïpktanti ukx qurirjamaw uñjapxañasa. Sutisa, qhipa sutisa, kawkhankirisa, chimpu jakhu, jawsañ jakhu, ajanusan jamuqapa, ukat juk’ampinakax jamasaruw imañasa. Yaqha wakiskir amuyu, waythapirinakax janiw jist'arañati.

¡Jawsañanakasatak wakiskir jark'aqäwi!

Markachirinakax yatiykipasiñatakix mä (Smartphone) jawsañ apnaqapxi, kunapachatï chhaqhayasktan jan ukax lunthatayasktan ukhax maynix jasaki uñakiparapchistaspa jan ukjamañapatakisti jawsañanakasatakix pantalla jark’antat jist’arir chimpuw nayr uchaña.

¡Internet llikan jark’aqasit thaqhañäni!

Llikan khitïtans ukxat jark'aqasiñatakix may may jan uñt'ayir jark'at iramintanaka, aruskipañ llikanakanx yaqha sutinaka, chimpur aplikasyuna, yatiyanakar jark’antiri, VPN uksanam thaqhañ chimput imaylunakamp apnaqapxsna.

Malware ukat phishingimpirak amuyasïtawa

Malwarempit phishingimpit jark’aqasiñatakix pä wakiskir kamachiw utji: jawsañaru jan ukax atamirir software uchapktan ukat maynix mä pajinar mantam mä imata jist’aram jiskistu ukanakat amuyasiñasapuniwa.

 

Mayachasitanaka

Qullqimp yanapt'asirinaka