Isturyanaka Ta 29 Achuqa phaxsi 2011
Gaddafi: Jiwayañampiw Axsaräyi
Muammar Al Gaddafi uka dictador jaqixa, martis uruxa telivision estatal tuqiw markachirinakaru arsutayna, ukanxa kulirat kankañap uñicht’ayasitayna, ukjamarak khitinakatix mark apnaqirinakaru saykatapki ukanakar axsarayasina. Akjam sasina: Libia markaxa tukusiniwa kunjamtix Afganistán, Iraq o Somalia markanakax tukuski ukjama. Ukatxa sarakitaynawa: arumanthix thaqhir mistsupxam, mark yanqhachirinak (terrorista) tuqi, ukatxa irpkatapxam aka fuerzas de seguridad tuqinkirinakaru “jiwayañataki”, ukjamat juch uñt’ayañataki.
Panamá: Minerutuq Kamach Chikatpachaw Jaqukipatani
Mark irpirix Ricardo Marinelli, jichharmanthix sawataynäwa, aka kamachix chikatpach chhaqayataxaniw sasina, aka kamachi kimsaqallqux (8) mayjt’aykix aka codigo minerutuqiru. P'arxtawix redes sociales tuqinx janiw uñt'ayatakatanati.
Japón: Video Tuqiw Aski Amtäwinak Mayiwinak Apayapxi
Japón markan uraq khathati, tsunami utjki ukar jaysawjamxa, jaqinakax jamuq waraqatanakaru, jaylliwinakaruw aski ch’amanchawinakap Japón markankirinakatak apayapxi.