Colonia de leprosos de St. Joseph Cotto Legnos en el Sur del Estado de Shan. Pyay Kyaw ukan jamuqapawa/The Irrawaddy.

Aka qillqatax Pyay Kyaw aka The Irrawaddy, Myanmar markan sitio web-papawa akanx yatiyaw qillqatanakaw uñt'ayasi.

Shan jach'a markat 11 tupu sarañanw Loilen markax jikxatasi, uksanx colonia St. Joseph Cotto Legnos uka qullayasiñ utaw lepra usuninakatak jikxatasi. Markanx mä centro leprosario Hohkai ukjam uñt'atawa, mä tatakuraw utt'ayawayatayna niya 70 maraw makiptawyxi. jichhax Myanmar markankir 90 lepra usun jaqiruw katuqt'i.

Uka qullayasiñ utarux 13-ni maranit 80 maran jila kullakanakaw usut puripxi.

Uksa markanx yapuchäwimp uywachawimpiw jakasipxi, maysatx jach'a markan qhathunakapanx janiw uka jila kullakanakan achunakap uywanakap aljayañ munapkti kunalaykutix jupanakan lepra usunipxatapata.

Uka qullayasiñ utan jikxatasir jila kullakanakax janiw wila masinakapa ukar kutt'añ munxapxiti, jupanakax Tatiturukiw jakäwinakap luqtxapxi.

Mayni usutax Maya sutiniw jupax colonia uksanak jikxatasxä sasinw arst'i. Jupax usutatapatx munkir jan munkir pantiyunan jakañamaw sapkatayn ukxat amtasi, arumanakakiw wila masipar tumpir sariritayna.

Colonia ukax janiw marka irpirinakapat qulqinchatakiti jan ukax yaqha markanakat yanapt'anakapampiw usutanakar yanapt'apxi.
Kawkïr lepra usun usutanakatï jan uka chiqan jakañ munapkch jupanakatakix tatakuranakax mä colonia phisqha utan lurayatayna ukanx 300 jaqiw jikxatasispa.

2003 maranx jilïr irpirix niya 10.000 ukharuw puri saniw yatiyatayna.
Myanmar uksanx 10 maranx usutanakax pisiqtataynaw sasinw Rangún markan qullayasiñ utatx yatiyapxatayna,2014 maranx 2.877 usutaw utjatayna 2015 maransti 2.571 ukharakiw utjatayna.

Ukxarux kunjams leprosario ukanx jakapxi ukxat jamuqanakaw uñt'ayasi:

Sapüru 6 qhara pacharuw kawkiritï sinti ust'at jikxatasipk jupanakax capilla del centro ukan Tatitur mayisipxi. Pyay Kyaw jupan jamuqapawa/ The Irrawaddy.

Kawkïr usutanakatï jan sinti aynachjtatapk jupanakax sinti aynachjatat usutanakatakiw nina phayapxi. Pyay Kyaw ukan jamuqapawa/ The Irrawaddy.

Khitinaktï colonia uksan jakasik jupanakax yapuchäwimp uywachäwimpiw jakasipxi, maysatx jach'a markan qhathunakapanx janiw uka achunakapas uywa aychanakapas aljañatak katuqañ munatakiti. Pyay Kyaw ukan jamuqapawa/ The Irrawaddy.

Colonia uksan yapuchäwipa. Pyay Kyaw ukan jamuqapawa/ The Irrawaddy.

Khitinakatï granjas ch'uminak taypin irnaqapk jupanakax jayp'unakax centro uksar samart'iriw kutt'awayxapxi.Pyay Kyaw ukan jamuqapawa / The Irrawaddy.

Colonia uksan jarisisipki. Pyay Kyaw ukan jamuqapawa / The Irrawaddy.

Colonia uksan sapa arumanaka. Pyay Kyaw ukan jamuqapawa/ The Irrawaddy