Taqpach arunak uñjaña? Global Voices qillqatanak jaqukipapta medios ciudadanos ukar tukuyañataki

Juk'amp yatiyäwinak ullart'añataki Lingua jaqukipäwi  »

Cumbre de Medios Ciudadanos de Global Voices ukan payïri urun wakichäwinakapat yatikipäwi

Summit 2012 group shot

Taqpach Cumbre 2012 ukan chikanchasirinakan jamuqapa

Payïri ukhamarak kimsiri uru Cumbre de Medios Ciudadanos de Global Voices 2012 ukax qalltawayi ukatax kunjamti nayïri urux arumar tukuykan ukhamarakiw tukuyawayxi: jaylliwimpi. Qhantati 9 pacharux taqiniw qunuñanakar qunt’asxapxäna ukatx Sheru ni Sheru, uka jayllintiri tamaw mant’anisin jayllint’apxäna.
Ukatax uka jayllintaw ist’asax p’artatakipxanwa ukharusti, Cumbre ukan chikancht’asirinakaruw (presentes) pani Boukary Konaté Mali ukankiriru ukhamarak Victoria Tinta Bolivia markankiriruw uñt’ayapxi, panpachaniw Rising Voices ukat GV ukat beca uka atipt’iripxäna . Jichhapachasti, Boukary-imp ukat yaqhanakampix Proyecto Segu Villages Connection ukwa sarantayasipki. Aka proyecto ukax Mali markan provincianakan yatiqañ ukatax utjki ukanakan red uka apnaqäw yatichaski ukwa uñji.
Ukhamarusti, Victoria Tinta kullakax Bolivia markan jilasiwayatayna, aymara aru arst’asina, Jach’a yatiqañ utan yatiqkasax internet apanaqañwa yatintaxatayna, aymara marka, aru jach’anchayañataki. Jichhasti Victoriax Jaqi Aru tamampiwa irnaqi, uka tamansti bloguerunakatak yatichäwinakwa sarantayapxi, aymara arst’irinakataki, amtäwipax red ukan aymara aru jach’anchayañawa.
Ukharusti, Cumbre ukax kimsa aski quturuw jaljtawayi. Jillian York ukax akham “¿Nos están vigilando?” p’iqinchaw sutin wakichaw apsuwayi, ukax vigilancia ukatuqitkamak mayni maynin amuyunakap uñstayi, Robert Faris, Centro Berkman de Internet ukat Sociedad ukan yatxatir irpirixa, uka qhana apnaqäwin kamachinakapxat arst’i, ukatx Afef Abrougui Túnez markat ukat Mohamed El Gohary Egipto markatx yatiyirinakax jilïr irpirin vigilancia corporativa ukanakxat uñt’ayawapxi.

Uka sesión ukanxa, yaqha panelista ukax medios de la salud ukxatwa arst’i, yaqha tamasti Kenia marakan medios ciudadanos uka apnaqäwitw aruskipaxi.
Ukat mä juk’a samrt’awitxa, Cumbre ukax payïr sesio ukampiw sarantawayi . Gilad Lotam, SocialFlow ukan sullka irpirixa, “Visualización de la información” ukxatawa arst’i.
Rebecca MacKinnon,GV ukan cofundadoraxa, ukax participación ciudadana en el futuro de Internet, ukxtarakwa aruskipaw wakt’ayi. Ukharusti kimsïri qutux unidad entre los medios ciudadanos locales ukat el mundo exterior ukxat aruskipañatakiw wakt’ayaraki.
Chika uru manq’äwitxa, Cumbre ukax pä sets ukampiw qallti, walja t’aqanakat aruskipäwinakampi, jisnawa China ukat África uka pä markxata, warmi, tecnología, ukat recursos abiertos ukanakata. Tukuyarusti, Cumbre ukax jayllintäwinakampiw keniana, Global Voices ukx amt’awayapxi. Kunawsati Director Ejecutivonakax Ivan Sigal ukat Georgia Popplewell ukanakax Cumbre uka jist’ant’awayxapxi ukatx ukan chikancht’asirinakax wali kusisitaw jayllint’asin tukt’ayawayxapxi.

¡Jutïr Cumbre ukanw jikisixapxañäni!

Aruskipäwimp qallantama

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.