Befeqadu Hailu, Abel Wabela, Atnaf Berahane, Mahlet Fantahun, Zelalem Kibret, ukhamarak Natnael Feleke (‘Zone 9′ taypin yanapt’asir blogueronaka) ukata, Asmamaw Hailegeorgis, Tesfalem Waldyes ukhamarak Edom Kassaye yatiyirinakax 25, 26 urunak saraqkipan qasawi phaxit aka 2014 maran Addis Ababa markan katuntatapxäna. Ukch’atatxa Maekelawi cárcelaruw sit’antatapxi, jan kuna arxatirin ukhamarak janiw wila masinakapampis uñjañ munapkiti.
2012 maratxa, ‘Zone 9′ taypin yanapt’asir blogueronakax markachirin amuyup p’arxtayäw laykuw irnaqapxi, ukhamarak markachirinaktuqita, políticonakatuqita Etiopía markan khiti yatiyir jilanakat ukham amuyump sarantkapki ukanakamp mayacht’asis yatiyäwtuqin aski amuyunakamp k’umikipapxarakïna. Katuntäwip ukhamarak sit’antäwipax libre expresión ukatuqitx janipuniw askikiti, kunjamti artículo 6 de la Carta Africana de Derechos Humanos y de los Pueblos ukan qillqataki ukarjamaxa.
Global Voices tama, masinaka (amigos) ukanakax llätunka warminak antutatañapaw sasinw mayipxi.
Akaw uka kampañan yanipt'asiñ munasma ukxat qhananchawixa: