Cocula markan jan nakhantayapkchisti, kawkinkapxis Ayotzinapa ukan 43 yatiqirinakaxa?

Screen Shot 2015-09-07 at 7.14.50 PM

GIEI yatiyap uñacht’ayatatxa, 43 yatiqirinakan tatanak mamanakapax Enrique Peña Nieto irpirimp mä tantachäw mayipxaraki, Jamuqa: Francisco Cañedo, Ukampirusa.

Comisión Interamericana de Derechos Humanos (CIDH) yatintanakapan yatiyapax mawk’it 43 yatiqirinakan tatanak mamanakaparux chuymacharakiwa. Jan Cocula qhillawjan nakhantaypkchisti ¿kawkinkapxisa?, sasinaw sikt’asipxarakixa, kunapachati procuradora Arely Gómez González jupax mä machaq yatikipäw yatiyt’änxa. Jichhax Enrique Peña Nieto marka irpirimpiw mä jikisiw mayipxi.

Escuela Normal Rural Raúl Isidro Burgos de Ayotzinapa, Guerrero, 43 yatiqirinaka, 26 urunak saraxkipan sata phaxsit, 2014 maran chhaaqatanakan tatanak mamanakapax marka irpirirux ex Procurador General de la República, Jesús Murillo Karam jupar mä yatxatäw-uñakipäw mayipxaraki, kunatix aka tatax Cocula qhillawjanw yuqa-phuchhanakamax nakhantat jiwapx sasaw sarakinxa.

CIDH, 6 urunak saraxkipan sata phaxsita, 2015 maran yatxatäwip uñacht’ayatanxa, Procuraduría General de la República (PGR) kunapachati Murillo Karam p’iqinchkänxa, marka apnaqirinakaxa, wayn-tawaqunak chhaqtäwit yatxatäwinakampix karisinwa.
“¿Kunats Murillo Karam jilatax k’arisina?, yatxatatäñpaw jupaxa”, ukham sasarakiw mä chhaqat yatiqirin tatapax arst’asina.

“Marka apnaqirinakan chiqanchäwinakapax mä k’arsïwiwa, uka uñacht’ayaskaptwa, jiwasax sarantaskakiñaniw yuqa phuchajanakasar katuñkama”, ukhamarakiw yatiyirinakarux mä chhaqat yatiqirin mamapax arst’asina.

“Jakkiriw apxaruwipxixa, jakkirirakiw kutt’aw munapta”, ukhamaw tampach tatanak mamanakapax Centro de Derechos Humanos Miguel Agustín Pro Juárez (Centro Prodh)-tuqin arnaqapxäna.
Yatiqirinakan tatanak mamanakapax kimsa achikt’asïwinak mayipxi: 43 yatiqinaka chhaqtäwix yatxatatäpxpan wiltampi; marka irpirimp tantachäw jan k’arinak uthañpataki; yatxatäwinakax askipan ukhamarak jan mä uñakipir-yatintirinak luratapkanti.
“10 urunak saraxkipan sata phaxsita, jan Peña jilatax katuqkistanixa, 23 uruxa, jan manq’awimpiw qallantapxa ukat 26 urux mä arnaqäwiw utjani, ukanx markachirinakan ch’amapaw uñjasiñpa”, ukhamarak mä 43 yatiqirinak tatanak mamanakapax arst’arakina.

“Marka juchaw ukatw markax aka juchanakat k’arisiwinakapat taripatäñpawa”, ukham arunakampiw Felipe de la Cruz, aka Normal Raúl Isidro Burgos yatiqirinak jakkir uñstäwip taman kunka-arst’irix arst’arakina.

Willka uru 6 urunak saraxkipan sata phaxsitxa, Grupo Interdisciplinario de Expertos y Expertas Independientes (GIEI), 5 jilanakamp CIDH-tuqitxa qhipqhipa yatxatäwip uñacht’ayapxi, ukan PGR k’arisïwip uñacht’ayapxi, kunatix jupanakax Cocula qhillanw aka yatiqirinakax jiwat sapxanwa. ç

Yatiyanxa, yatxatir tamax normalista-nakan destino-pax janiw yatiskiti, ukampirusa, taqi marka apnaqirinaka (alcalde), pallapallanakas (policía, ejército) kawki thakimas 5 kañaskunakax saraskapxan yatipxanwa, kunapachati jupanakax México markan 2 urunak saraxkipan taypi sata phaxsit arnaqäwir chikanchasiñatakiw jutantaskapxana.
Ukhamarakiwa, waynanakan janiw María de los Ángeles Pineda de Abarca yatiyap jan ist’asiñp amuyunipkänti, kunjampti PGR sänxa. Pineda ukhamarak chachapas, José Luis Abarca Velázquez khititix alkaltikanxa, katuntatäpxiwa, jupanakan narcotráfico ukhamarak yatiqirinak chhaqtayawit ukham taripayatapxi.
“Marka apanaqirix taqinitanwa, mä maman chuymapax janiw pantjaskaspänti: janiw ukan jiwasan yuqa phuchhanakasax nakhantatapxkanti, ukx uñast’ayaskaptwa. Jichhat lantirux chiq
“Sikt’ax akawa: ¿kawkinkapxis jiwasan yuqa phuchhanakasaja?, ¿kawkirus apasipxija?, jiwasax wawanakas kutt’ayäw mayipxañäni, kunatix jichhax wali ch’amamp jakapxiw sas amuyapta”, ukhamarak yaqha tatanak mamanakax sarakïna.
Pachanakatxa, PGR tamax CIDH 43 yatiqirinak Escuela Normal Rural Raúl Isidro Burgos de Ayotzinapa yatxatäwinakap uñakipaskapt sasaw qhananchapxäna.
Procuradora Arely Gómez yaqha yatxatäwiw lurasin sanwa, ukhamarak organismo internacional yatxatatanak puripxkan jupnakatakix mä qihparäwiw uthan jan sarxapxañpataki.. Tatanak mamanakax yatxatt’äw tukuyañkam jan sarxapxañ mayipxiraki
Enrique Peña Nieto irpirix mä machaq tantachäwiniristw 43 yatiqirinakan tatanak mamanakamp ukhamarak CIDH yatxatirinakamp sarakiwa, ukampirus janiw kunapachaspas uks saskarakisa.

Aruskipäwimp qallantama

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.