Taqpach arunak uñjaña? Global Voices qillqatanak jaqukipapta medios ciudadanos ukar tukuyañataki

Juk'amp yatiyäwinak ullart'añataki Lingua jaqukipäwi  »

México marka irpirin jaqichasïwipat jan yatit qilqäwi (expediente)

foto Boda_Enrique_Angelica

Angelica Rivera y Enrique Peña Nieto el día de su boda, celebrada en la Iglesia Catedral de San José de Toluca. Foto: Aristegui Noticias.

Aka yatiyäwix armen Aristegui, Daniel Lizárraga, Rafael Cabrera, Irving Huerta ukat Sebastián Barragán jila kullakanakan lurat Aristegui Noticias (México) jupanakatakiwa, ukat mä amtar puris aka uñakipäwinak yatiyañatak CONNECTAS ukan wiltat uñacht’ayata.
Tiliwisyunat uñjataxa, jichha México marka irpirïk Enrique Peña Nieto wali uñt’at kunaymanir tukuri Angélica Rivera-mpix iyawsäw jaqichasïwipax mä hada siwsäwjamanwa. Ukampirusa, aka jaqichasïwixa janiw thakirjam luraskatanati, kunatix k’arisiwinaka ukhamarak Arquidiócesis Primada taypin tuküwinakaw utjäna.
Aka jaqichasïw lurasiñpatakix jan wali amtanakaw lurasina, kunatix ministerio sacerdotal apnaqäw presbítero José Luis Salinas Aranda aparapxän, kunatix jupax Televisa-tuqin pastorales luräwinak sarantayaskäna, Angélica Rivera nayrïr chachapamp tiliwisyun sarantayir José Alberto Castro jaqichasïw anulañataki layku. Ukw uka markanx Aristegui Noticias ukhamarak riwista Proceso uñachtayapxixa.
Aka jan walt’awix juka urunak Papa Francisco México markar nayrïr purïwipatakiw uñstixa, khititix jichhürux waranqan waranqanakampiw katuqatäna ukhamarak marka irpir Enrique Peña Nieto jupampisa, aka marka irpirixa janiw aka imantäwinak yatisiñ munkänt kunjamatix yatiyirinakax CONNECTAStuqin yatiykipapxana.
Kunapachati aka jaqichasïwix luraskanxa, jaqinakat yatiyir riwistanakax aka jaqichasïwit walpinw yatiyapxan uñacht’ayapjanxa, aka jaqichasïwix 27 urunak saraxkipan lapaka phaxsit 2010 maran Toluca catedral-an lurasina. Aka jaqichasïwix marka irpirïñatak chhijlläwir sarantañatakiw wal tiliwisyun taypin ch’amanchatäna, ukampirusa, jaqichasïwixa nayrjaw lurasina, ukatw Tribunal de la Rota Romana, Vaticano-tuqitxa, aka jaqichasiwirux “justisya jach’a tukuwjamaw” amuyarakixa.
Yupaychañ uta apnaqirinaka, Santa Sede sarantayirinak ukhamarak Enrique Peña Nieto pachpaxa, kunapachati Estado de México irpirïkanxa, aka jan wali sarantäw Angélica Rivera nayrïr jaqichasïw yupaychañ utat anula-ñatakix yatipxanwa. Taqpach laphinak apsüw jichhür México irpirir jaqichasiñpatakixa, padre Salinas Aranda sarantäwip mayjt’ayawayi, khititix taypi sata phaxsiw chhaqtawayxi, jan khitin ist’ata mayiwinakapa, kunatix religioso jakäwipax janiw sarantkänt thakiparjamaxa.
Qhip qhipax padre Salinas jupax mä qilqaw Papa Francisco-r yanapap mayisin akham apayäna:

Lo hago con el corazón en la mano y movido por la enorme confianza en la misericordia que le distingue. Pongo confiadamente en su corazón de padre y pastor esta situación que me agobia”.

Chuymaxan ampar uskusis ukhamarak kunjamatix jumax wali llamp’u chuymanjam uñt’atataxa. Juman irpir chuymamaruw aka chuyma ch’allxtayir jan walt’aw uchta

Ukapachpan sacerdote-x sarakïnwa:

Esta misiva tiene varias intenciones. La fundamental es hacer aclaraciones necesarias para resarcir mi persona en el ejercicio del ministerio sacerdotal, frente a infundios y calumnias por las que me he visto sometido a la sanción canónica y en las que se encuentran involucradas personas que pertenecen a la jerarquía de la Iglesia, así como otras pertenecientes en activo a instancias políticas”.

Aka qilqäwix walja amuyunakaniwa. Wali suti askiwa nayar ñanqhachäwinak ministerio sacerdotal-tuqin luräwin qhanañchaña ukat q’umak mistsuñataki, kunatix nayax sanción canónica ukampiw taripayatäta, ukhamañpatakix Yupaychañ uta jilïr apnaqirinaka, ukhamarak k’uk’u jaqinakaw uka taypinkapxi.

Qilqatanakapanxa, padre Salinas jupax sumw amuyan aka kullaka Angélica Rivera jilata José Alberto Castro-mp jaqichasïw anula-siñpatakix “mayni jaqiwa” wal uka mayina, ukhamat aka kullaka Angélica Rivera-x qhispin jaqichasiñatak Enrique Peña Nieto jupampi, jichhürunak México marka irpiri.
Angélica Rivera-mp José Alberto Castro-mpix 90 maranakat jan jaqichasis jakakpxanxa. Jupanakax kimsa phuchhanakanipxiwa: Sofía (1996), Fernanda (1999) ukhamarak Regina (2005) maranakan yuritanaka.

2004 maranw Nuestra Señora de Fátima Yupaychañ utan, México DF-tuqin jan kuna yatiyirinakan jaqichasipxäna.
9 urunakatxa, samarañ uruna, 11 urunak saraxkipan jallu qallta phaxsit 2004 maranxa, Acapulco-tuqin Pichilingue playa-ruw wila masinakampamp masinakapamp kunaw sarapxäna, mä ceremonia jaqichasïw laykuk lurañataki. Aka ceremonia-x padre Salinas juparakiw luränxa.

2008 maraxa, Rivera-mp Castro-mpix jaljtäw civil taypit rixintapxana. 2009 marax kunaymanir tukuri jaqichasiw anula-ñ achuqa phaxsin mayismachakitänaxa. 19 urunak saraxkipan llamayu phaxsitx uka pacha maratxa, Tribunal de la Arquidiócesis ukaxa, Rivera-mp Castro-mpi jaqichasïw anuläna, janiw walikit sasina, playa-n ceremonia luräws ukhamaraki anuläna.

Mä aruskipäw-sikt’äwin, kullaka Riverax sarakinwa:

Después de mi divorcio civil, pedí la anulación de mi matrimonio por la Iglesia y hasta entonces me enteré de que la Iglesia no puede hacer válido el supuesto matrimonio de la iglesia de Fátima porque no se corrieron amonestaciones, en la ceremonia del 2 de diciembre no hubo anillo, no hubo lazo y, por si fuera poco, el padre de la iglesia de Fátima que firmó el acta no tenía permiso para celebrar el sacramento.

Civil-tuqit jaljatäwitatxa, Yupaychañ utat jaqichasïw anuläw mayta, ukatatw Yupaychañ utax jan jaqichasïw thakirjam luraskäspant ukham uñakipapxatan uka yatiskta, kunatix janiw laphinak luräwinakax thakiparjam 2 urunak saraxkipan jallu qallta phaxsin luraskänti, janiw surtijax utjkänti, janiw jaqichasïwijix utjkänti, ukatatsa, Fátima yupaychañ uta padre-xa, khititix rixintkän jaqichasïwx janiw jaqichasïw lurañatak iyaw sawinïkanti.

Kunapachati anulaskanxa, Arquidiócesis-ax mä taripayäw padre Salinas jupar qallantäna, khitirutix wal mä misa acción de gracias urun luras laykukiw wal taripayäna, ukampirus janiw kuns padre Ramón García López juparux kuns lurkänti, kunatix aka padre-w Rivera-mp Castro-mpirux Fátima Yupaychañ utanx jaqichanxa, jichhürunakax ministerio luraskakiwa.
Akan uñakipm kunjamans Angélica Rivera jaqichasïwix amuyañataki ukhamarak kunjamas anuläsin Enrique Peña Nieto-mpi jaqichasiñpatakixa.
Aka yatiyäw taqpach ullarañatakix akar limintam:

CONNECTAS

Aruskipäwimp qallantama

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.