Brasil, ch'umi markanx mä awyunaw paqallqu pasajirun jalaqtasin chhaqhata ukxat janiw khitis yatiykiti

Amapá, norte de Brasil chiqawjan mä awyunax chhaqatayna | Jamuqa: Reproducción/Google Maps

2 uru jalluqallta phaxsit saraqatat aka 2018 maranx mä jisk'a awyunaw aldea Matawaré markat thuqtawayatayna, uka markax Brasil, Amapá marka ch'umi taypin jikxatasi. Akuriyó markatx mä mamaw tullqapamp ukankäna, tiriyó markatx mä wila masi– mä yatichirimp warimipamp kimsa wawapamp kunaw sarapxäna. Piloto Jeziel Barbosa, 61 marani, Moura markankiriwa.
Ch’umin jakasir markachirinakax awyun alkilañ yatipxatayna, Laranjal do Jari markanakar sarañataki, Macapá jach’a markar puriñatakix k’añaskutx pusi pachaw sarapxiritayna. Awyun alkilasisax mä pachanakw puripxarakiritayna, 3000 reales (niya 770 dólares) ukhaw chanipaxa. Niya jalawayxatatx 25 k’atha saraqkipanw Jeziel pilotox radio tuqiw yatiyatayna akatjamat uraqir purix sasina. Ukaw qhipa yatiyawix yatisïna. Sitio Web G1 ukan yatiyäwiparjamax awyunax kawkharutï sarki ukx jamasat jan yatiyasaw saratayna.
Tunka phisqhan uru 128 pacha chhaqhataxatapat Fuerza Aérea Brasileña uksatx chhaqhatanakar thaqhañax suyt’asxaniw sasinw yatiyxäna. Pä awunamp mä chhixwiririmpix 12 500 kilômetros cuadrados ukch’a jaywa thaqhasax sarapxatayna, niya 12 000 campos de futbol jäll ukhama. Ukhamipanx ch’uminakaw jan thaqhañjam uñstarxatayna.
Agência Brasil, piloto jupan masinakapan ukhamarak –apalai, akuriyó, tiriyó ukat waiana– markankir chhaqhatanakan masinaparjamax jupanakaw uka ch’umin thaqhasipki sasin yatisi. Estado de Amapá uksan indígenas tamankirinakax janiw iyawapkit Fuerza Aérea ukan jan thaqhawimp yanapt’asitapampixa.
Tamakirix awyun puriñ thakhiw jan sum utjkit ukat thaqhawix suyt’asxi sasin arst’awayi. G1, Ministerio Público Federal uka 249 awyun puriñanakaw Brasil markan ch’umi uraqinakapan jan iyawsatakiti jamasatak utjaski sasin yatiyi. Amapá uksanak “17 awyun puriñanakax askin utjaski ukax qullayasiñ utar sarañataki, yatiqañ utar sarañataki ukatak apanaqatawa”.

Yaqhip yatiyäwinak ayatiyirinakax janiw p’iqinchawinak uñt’aykiti. Kimsaqallquniw uraqpachan ch’umin chhaqhata ukatx markanx jilpachaniw jan kunatï mäkiptk ukatx amuyasipkiti.

Wila masinakxata

Sitio G1, ukax chhaqhatan ukhamarak piloton wila masinakapamp aruskipatatw yatiyi. Taqiniw chhaqhatatax arst’apxatayna, Ejercito uksatax thaqhañ yanapt’apxakitasp sasin arst’apxatayna. Asxarañax juk’ampiw jach’apti.
Flávia Moura, piloto phuchhapawa, jupax akham arst’i :

Meu pai conhece a região, já voa há bastante tempo, então a gente sabe que ele deu o jeito dele de pousar em algum lugar, só que na selva é difícil encontrar. A gente sabe a dificuldade no resgate aéreo, mas queremos encontrá-lo, por isso a gente reuniu alguns garimpeiros e índios amigos do meu pai, que estão na mata. Só que a gente quer ajuda do Exército que tem preparo pra isso.

Tatajax uka chiqawj sum uñt’ixa, jaya pachaw awyun apnaqxi, ukat uraqir purxpachanwa, ukampirus uka ch’umi taypinx ch’amaw jikxatañaxa. Jikxatañax ch’amakiwa, ukampins jikxatañ munapxtwa, ukataw walja uka ch’uminkirinakar yanapt’asipxañapatak tantachthapipxta. Ukampins Ejército uksatx yanapx munapaxapuntwa jupanakaxay ukatak satarakichixa.

Sataraki Akuriyó, jupax chhaqhatan yuqapawa akham arst’araki:

Minha mãe não vou ver mais, por isso queria encontrar ao menos o avião ou o corpo falecido. Desde que eles caíram estou sofrendo muito.

Janiw taykajarux uñxati, ukampins awyuns jan ukax amayaps jikxatañ munapuntwa. Kunapachatï chhaqhatapk ukhatx wal t’aqisisktxa.

Ch’ujtäwi

Kunürutï thaqhaw suyt’ayawayxapx ukhax Brasil markan jilïr irpir chhijllat Jair Bolsonaro, reserva indígena Raposa Terra do Sol ukax “ askin qhanat uñjataniw” sasin arst’awayi.
1,7 waranq waranq hectáreas uraqinx 17 000 indígena ukhaw phisqha markat (etnias )–macuxi, wapixana, ingarikó, taurepang ukat patamona uka uraqin jikxatasipxi. Lucio Augusto Villela da Costa arxatirix uka chiqax “estaño, diamante, oro, niobio, zinc, caolina, amatista, cobre, diatomito, barita, molibdeno, titanio, calcáreo, ukampins uranio uka yänak utjir qamir uraqit uñt’ataw sasinw amthapi
Uka quri yänak utjkï ukanak apsuñ amtax “janiw kamachinakarjamakiti”. Kamachix kunatï markachirinakan “uraqinakapan jakasipxañapatak utjkï ” uka kamachiriw jan walt’aykaspati.

Nayrurunakakiw De Olho nos Ruralistas sitio web ukanx Brasil markan uraqinakat jan walt’äwix utjki ukxat yatiyaskäna, antropóloga Denise Fajardo, Instituto Iepé uksan yatxatirir uka chhaqhat awyunat jiskt’atayna. Jupatakix Brasil markan politicapas kunatï yatiyaskis ukas janiw jayankiti:



Não se fala sobre o assunto porque a vida dos indígenas não importa nesse momento, vivemos um período anti-indígena e eles são considerados um obstáculo para o desenvolvimento do país. Podemos traçar paralelos até com os meninos perdidos em uma caverna na Tailândia, que teve mais a atenção da imprensa.

Janiw kunas uka chhaqahatanakat yatiskiti kunalaykutï indígenas ukarux janis yäqapakasp ukhamawa. Antiindigena ukapachans jaksn ukhamawa. Tailandia ukan mä p’iyar wawanakan chhaqhatapat arsna, yatiyirinaktuqitakw wal p’arxtawayapxi.

Ukampirus arsuwayiwa, indígenas jupanakan markapat mistusin arst’asipxan ukax uñt’ataxiwa.



O Parque Nacional Montanhas do Tumucumaque é uma pequena área que pertence à eles e foi onde o Estado os colocou, ou melhor, onde o Estado os isolou. A região é de difícil acesso e não se fornecem meios de locomoção a essa população, que fica confinada lá na Aldeia.

Tumucumaque markan Parque Nacional Montañas utjkï ukax mä jisk’a markakiwa, uka markarux Jilïr iripirinak uksatx maysaruw jupanakar uñanukupxatayna. Jupanakarux janiw kuna aski yanapt’äwinakas utjikiti ukat jupanakax janiw askinakas jikxatapkarakiti.

Mataware markat chhaqhat awyunax sarkatayna ukanx canoa jan ukax awyunatak sarapxaspa. 17 uru jalluqallta phaxsit saraqkipanx arumjaruw mä awyunax saratayna ukat niya Perú markar purkasin chijir puritayna. Kimsaniw jakapachat Fuerza Aérea uksankirinakat jikxatatapxatayna.

Aruskipäwimp qallantama

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.