Dijaawa Wotunnöi: mä jisk’a uñjaw yekuana aru jach’anchayañataki

YouTube uksat apaqatawa.

Dijaawa Wotunnöi ukax mä saräwi ukhamawa, yekwana ukan nayra saräwipawa, Saúl Kuyujani López jupan qillqatawa Santa María de Erebato uksa markana, uka markax Alto Caura, estado Bolívar, Venezuela uksan jikxatasi.

Siwsawix uñt’ayiw yekuana ukanakax taparaku uksan jutiripkasp ukham qhananchi. Kawashidi jupampiw saräwix niy kikipt’i, mayni yekuana chachax ñanqha jan walimp mulljataw jikxatasi. Kawashidi jupatx uka ñanqhax warmip apaqawayxatayna.

Dijaawa Wotunnöi ukax intercultural ukat bilingüe ukan uñstäwipawa, yekuana markan saräwip siwsäwipaw uñtañatak waruqata, uka saräwix waranqa maraw jakatayna. Amazonas, Bolívar, Venezuela markan jikxatasi, 2011 maran jakthapiwiparjamax yekuana jupanakax 7997 ukhanïpxiwa.

UNESCO uksat mä jach’a pank lurata uraqpachan chhaqtarjam arunaka, yekuana arux chhaqtirjamaskiwa. Maysatax yatichirinakax yekuana arux awkinakatx janiw anch ch’amanchapkit sasin yatiyi. Ukatax walja awk taykanakaw wawanakpar jach’a markar irpasxapxi ukhamat castellan aru ayatiqañapataki, jäll ukhamatw wawanakapax uka tayka arx chhaqhayxapxi.

Aka Dijaawa Wotunnoi ukanx yekuana arst’awiw uñjasi.

Uka jisk’a uñtañanx yekuana arutkamakiwa, ukatx español arunx subtitulado ukhamaw uñstaraki. Walja yekuanankirinakaw uka amatanx jaqukipäwimp chikancht’asiwayapxi, yatxatirinakax arutuqiw yanapt’apxaraki.

Aka qillqiris chikanchasiwayarakiwa.

Estudio Creativo Creaser ukax Organización Indígena de la Cuenca del Caura Kuyujani ukat Humboldt Forum ukanakan ch’amancht’äwipampiw lurasiwayi. Nayrïr waruqäwix Humboldt Forum uksan waruqasiwayi, alemana de Berlín markana, willka kuti phaxsin 2017 marana.

Waruqäwix 13º Festival Internacional de Cine ukat Comunicación de los Pueblos Indígenas/ Originarios – FICMAYAB’ uksan uñacht’ayatawa, khaysa Guatemala markan taypi sata phaxsin 2018 maran phuqhasiwayi. Estreno nacional ukax Festival de Cine Indígena, Venezuela markan kapaka phaxsin 2018 maran uñt’ayasiwayi.

Aruskipäwimp qallantama

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.