Aymara aru ch'amanchasa. Proyecto Lingua Airwaves ukamp sarantäwinakaxa

DSC01118

El equipo de Global Voices Aymarata comparte su experiencia en Radio Pachamama, en el programa bilingüe (aymara y español) llamado “Markas Layku” (en español significa «nuestro pueblo»). Foto: Victoria Tinta.

Aka qillqatax Victoria Tinta jupan qillqt'atawa, Global Voices Aymarata uka sition editora ukhamarak jaqukipir ukhamawa.

Proyecto Lingua Airwaves ukan amtäwipax Global Voices aymarata ukan qillqat yatiyaw utjirinak «apthapiñawa», uka qillaqatanakax CD ukanakar waruqaña ukatstï taqi ukanakx El Alto (Bolivia) ukat Puno (Perú) markanakan Instituciones, yatiqañ utanakar ch'iqintayañawa.

Proyecto, (aymara-español) aru arst'asirinakar juk'amp puriñatakiwa, sitio Global Voices Aymarata ukanx (acuerdos) ukanakax yaqha radios comunitarias, El Alto markan ukhamarak Ayni Chile markat wakichäwipampis utxarakiwa.

Organización de las Naciones Unidas para la Educación, la Ciencia ukat la Cultura (Unesco) ukax América del Sur uksanx pä waranqa waranqaw aymra arst'asir utji sasinw yatiyi.

4 urukipan aka sata qallta phaxsinx 2015 maranxa, mayni jaqukipt'ir kullakampiw  Puno – Perú, markar sarawayapxta, CD ukanak intstituciones aymara arur ch'amanchas irnaqt'apki ukanakar ch'iqintayañataki. Universidad Nacional Altiplano Puno, Facultad de Ciencias de Educación, Lengua ukat Literatura ukaruw purt'awayapxta, decano ukat yaqhip yatiqirinakampiw aruskipt'aniwayapxta, yatiqirinakax walikiw sasinw jallallt'apxarakitu, ukatx aymar arst'añ yatipxtwa ukampirus qillqt'añ jan sum yatipkti sapxanwa, ukatwa uka redes sociales uksan jan aymara arut qillqapkti sapxarakinwa.

Ukampirus castelan arunw qillqt'anipxax sapxarakïnwa.

Uka pachparakiw Puno markan Radio Onda Azul uksarus purt'apxta, ukakipkrakiw CD waruqt'atx aymara wakichaw sarantayiritak jayt'aniwayapxta, ukhamat uka waruqatanak wakichäwipan uñt'ayañapataki.

Ukampirus Radio Pachamama, uksarus purt'awapxaraktwa (aymara ukat español) arun wakichäwipax utjarakitaynawa, “Markas Layku” sutini (español arun «nuestro pueblo» sañ muni) 16:00 pachat 18:00 jayp'u pachakama, phaxsüru urut ururüru urukama. Wakichawin aruskipt'añatakiw jawillt'apxitu, ukhamat Global Voices Aymarata ukxat uñt'ayañataki. Global Voices Aymarata ukxat uñt'ayaniwayapxta ukat kunjams uraqapachan jaqukipirinaka, qillqirinakax irnaqt'asipki ukxats uñt'ayatarakïnwa. Jilïr irpirirus ukhamarak ukan irnaqt'irinakarus CD ukax churaniwayatarakiwa.

Wali kusiskañawa, GV Aymarata uksanw irnaqt'awayapkt ukatuqit uñt'ayañaxa. Aka chikancht'asirinakax yaqha inak yanapt'asir jaqukiprinak jikxatañamp yanpt'apxasp taqi ukaw amuyuxa.

Maysatxa, khitinakatï Radio Pachamama, Puno- Perú uksan irnaqapkï jupanakaruw wali jallallt'apxta, kunalaykutï jupanakax aymar wakichäwipanw nänakaru katuqt'apxitu, ukhamat Global Voices sitio web ukan irnaqäwipat uñt'ayañataki.

Jutïr urunakanxa, CD ukanakax instituciones (radios aymaras, kawkïr yatiqañ utanakantï aymara arux yatichaski, jach'a yatiqañ utanakan ukat yaqhanakampiruw) El Alto- La Paz, Bolivia markan ch'iqiyataskäni.

Global Voices aymarata ukan qillqat waruqt'atanakx aka link ukar mant'asinx ist'arakismawa:

Aruskipäwimp qallantama

Amp suma, qillqirinaka Mantaña »

Guidelines

  • Taqpach amuy qillqatanakax mä moderadoran uñakipatawa. Mayat jilx jan amuy qillqatam apayamti, jan ukax spam ukjamaspawa.
  • Mayninakar yäqañamp uñjama. Jan wali amuy qillqäwinakamp qillqatanakax janiw aprobatakaniti.