«Janiw jiwayapkiti». Vine Venezuela uksat YouTube ukan uñt’ayäwipa, Tarek William Saad uñkatasin pani qhurut arsusirinakaw ukan uñjasi.
Venezuela markankir Tarek William Saab, Defensor del Pueblo jupax Beirut uksan jikxatasitayna, Libano markan venezuelankir markachirinakax janiw askinjam katuqatapkataynati.
República Bolivariana Venezuelatx Defensor de Publox Beirut markan derechos humanos uksat arst’añatakiw jikxatasitayna. Política uksat ch’axwaw utjaskipan Líbano markar saratapatx k’umiwinak utjayi, niyakixay unxtasiwinaka ch’axwawinakax utjchixa ukhamakipanx 4 uru llamayu phaxsit saraqkipan 2017 maranx 30 jaqiw jiwat sasinw yatisi .
Qhipa unxtasiwinakax Tribunal Supremo de Justicia-x 30 uru achuqa phaxsin Asamblea Nacional ukar janiw siskatayn ukhataw qallantasiwayi. Maduro, jilïr irpirix irpxark ukhatpachaw amuyasxi, kimsa maraw qullqit pisiqtaw utjatapax amuyasxäna .
Mä venezolano mamamp libanesa mamampiw Saab jupan arst’äwipar amukt’ayäna, jupanakax p'iqin kayunit venezolana wiphalas apt’asitaw uñstapxäna ukax jichha unxtasiwinaka utjk ukaruw uñanchäna, mayni warmix Markajaw aynacht’i! Jiwayapxistuwa! Kawkhankis derechos [humanos], Tarek?».
https://www.youtube.com/watch?v=3SeOat0G-no
Beirut plasax wali uñt’atawa, uksanx willka kuti phaxsin 2015 maranx libanés YouStink ukxat qhurut arsusiñatakiw tantacht’asiwayapxäna, uksanx phukhunak sartinanak jawq’asisaw uñxtasipxäna, América Latina uksanx ukax uñjasipuniwa.
Yaqha video uksanxa, Plasa jak’an kawkhantï Saab, qurpachasiñ utan jikxataskan uka jak’anw unxtasirinakaw uñjasi.
VIDEO | Venezolanunakax Tarek Wiliam Saab kuntrax Beirut, Líbano uksan qurpachasiñ uta jak’anx qhurut arsuwinakap uñt’ayasipkakiwa.#4May pic.twitter.com/M6skNMYMSu
— Alberto Rodríguez (@AlbertoRT51) 4 May 2017
Pä warmit video waruqatax jank’akiw etiqueta #Líbano ukham sutimp chiqiyasxatayna. Yaqhip apnaqirinakax Venezuela markan unxtasiwinak utjkipan Saab jupan Beirut uksan jikxasiskan ukatuqinakat amuyunap qillqt’apxäna:
Mira @TarekWiliamSaab… Líbano uksanq’aphinak manq’asktaxa. pic.twitter.com/dYcpp0M9sX
— Jesús M. Yánez M. (@jyanezm) May 4, 2017
Khitis jan Derechos Humanos uka apnaqki #Venezuela , janiw jupanakat arskaspati nï markat jutirit siskarakispasa #Libano
— Patricia Mata.M. (@patriteacher) May 4, 2017
@TarekWiliamSaab Jumax Twitter ukar jarkt’añ muntaxa, ukampirus kunatï chiqak ukax juma chikaskiwa?
— MV Daniel Rinzivillo (@darn7891) May 4, 2017
Jan p’inqapuniwa @TarekWiliamSaab , khithis Venezolanunakan DDHH uka uñjañapa ukampirus janiw phuqkiti, #Libano uksaruw arsur sari .
— AD Cabimas (@ADCabimas) May 4, 2017
@cristiancrespoj Uka jan p’inqanin Libano markan derechos humanos ukxat arsutapax muspayituwa , uka warminakan #Dictadura arsuwipasa
— Vichoyer (@vichoyer) May 4, 2017
400.000 ukat 800.000 venezolanuw libanesa uksat jutata. Venezolano sullka irpirix Tareck El Aissami sirio-libanés uksat jutatawa.
